ამერიკელი სენატორები დემოკრატიული პარტიიდან ედ მერკი და კრის მერფი, ეროვნული უსაფრთხოების საკითხებში დონალდ ტრამპის მრჩევლის, მაიკლ ფლინის, საქმიანობის შესწავლისა და გამოძიების დაწყების ინიციატივით გამოვიდნენ.

საქმე ეხება ტრამპის მრჩევლის მოლაპარაკებას აშშ-ში რუსეთის ელჩ სერგეი კისლიაკთან მოლაპარაკებას, რომლის დროსაც, გავრცელებული ინფორმაციით, მაიკლ ფლინმა მოსკოვის წინააღმდეგ დაწესებული სანქციების შემსუბუქების საკითხი განიხილა. აღსანიშნავია, რომ ეს საუბარი დონალდ ტრამპის ინაუგურაციამდე შედგა, ხოლო კანონის თანახმად, ფლინს, რომელიც მაშინ კერძო პირს წარმოადგენდა, ამის უფლება არ ჰქონდა.