ვანო მერაბიშვლს ახალი ბრალდება ქუთაისის #2 სასჯელაღსრულებით ორგანოში წარედგინა

სამართალი - 19:33, 28 May, 2013

678

"ბრალი წარედგინა სამსახურეობრივი უფლებამოსილების გადამეტებისათვის. საუბარია მაისის მიტინგის დაშლასთან დაკავშირებით. სადაც ბრალდება ედავება, რომ არ იქნა დრო მიცემული მომიტინგეებისთის, რათა მათ შეძლებოდათ დაშლა, რაზეც ბატონ მერაბიშვილს აქვს პოზიცია, რომ ამაზე სატელევიზიო სიუჟეტებიც კი არსებობს, სადაც მათ ჰქონდათ შესაძლებლობა დაშლილიყვნენ, რათა მოწყობილიყო დამოუკიდებლობის დღის აღსანიშნავად დაგეგმილი ღონისძიებებისთვის სცენა და ა.შ.", - აღნიშნავს ვანო მერაბშვილის ადვოკატი, გიორგი ჩივიაშვილი.

გიორგი გელხაურის განმარტებით კი ბრალდების მხარეს დაცვის მხარისთვის მტკიცებულებები ჯერჯერობით არ გადაუცია:

"რაც შეეხება მტკიცებულებებს, ჯერჯერობით არ გადმოუციათ ჩვენთვის, როგორც მათ განგვიმარტეს, ეს მტკიცებულებები ხვალ გადმოგვეცემა, რაც შეეხება ბრალდებას, ვანო მერაბიშვილი არ აღიარებს და არ ეთანხმება წარმოდგენილ ბრალდებას, ასევე მიიჩნევს, რომ ეს არის აბსურდული ბრალდება. როგორც ბრალშია აღნშნული, მან გასცა ბრძანება 26 მაისის დაშლასთან დაკავშირებით და ამიტომ, გამძიებას მიაჩნია, რომ მან გადაამეტა სამსახურეობრივ უფლებამოსილებას", - განაცხადა გიორგი გელხაურმა.