აშშ-ის პირვლი ლედი მელანია ტრამპი ბრიტანულ გამოცემა “დეილი მეილს” უჩივის.

ტრამპის ადვიკატებმა ნიუ იორკის სასამართლოში უკვე შეიტანეს სარჩელი კომპანია Mail Media Inc -ის წინააღმდეგ, რომლის მფლობელობაშიც არის ვებგვერდი „დეილი მეილი.“

დოკუმენტების თანახმად, 2016 წლის აგვისტოში ვებგვერდზე გამოქვეყნებულმა მასალამ მელანია ტრამპს მილიონობით დოლარი დააკარგვინა მაშინ, როცა “მას მრავალმილიონიანი საქმიანი ურთიერთობების ჩამოყალიბება შეეძლო“, რადგან “მსოფლიოს ერთ-ერთი ყველაზე მეტად ფოტოგრაფირებული ქალი იყო.”

საუბარია მასალაზე, რომელიც მანამდე წიგნში და სლოვენიურ ჟურნალში გამოქვეყნდა. პუბლიკაციების მიხედვით, სააგენტო, სადაც მელანია ტრამპი ახალგაზრდობაში მუშაობდა, სინამდვილეში არა სამოდელო, არამედ საექსკორტო სააგენტო იყო.

მოგვიანებით, გამოცემამ აღნიშნული ინფორმაცია გვერდიდან აიღო.

პროსტიტუციის ყალბი ბრალდების სანაცვლოდ, რომელმაც მელანია ტრამპმს როგორც მატერიალური, ასევე მორალური ზიანი მოაყენა, გამოცემისგან 150 მილიონ აშშ დოლარს ითხოვენ.