თურქეთში საჯარო დაწესებულებებიდან დაახლოებით 4500 ადამიანი დაითხოვეს

მსოფლიო - 11:00, 08 Feb, 2017

2613

თურქეთში საჯარო დაწესებულებებიდან დაახლოებით 4 500 ადამიანი დაითხოვეს.

თურქული მედიის ცნობით, მასობრივი გათავისუფლებები გასულ წელს მომხდარი სამხედრო გადატრიალების მცდელობას უკავშირდება.

4 464 გათავისუფლებულისგან 2 585 ადამიანი განათლების სამინისტროს თანამშრომელია, 893 ჟანდარმერიის წარმომადგენელი, 88 კი საზოგადოებრივი მაუწყებლის თანამშრომელი.

შეგახენებთ, 15 ივლისის ღამეს, თურქეთში სამხედრო ამბოხი მოხდა, რომლის ორგანიზატორად , ანკარა პრეზიდენტ ერდოღანის ოპოზოციონერ , სასულიერი პირს ფეთჰულა გიულენს ამბოხის ორგანიზატორად ასახელებს და ვაშინგტონისგან მის ექსტრადირებას ითხოვს.

ფეთჰულა გიულენი 1999 წლიდან პენსილვანიაში ცხოვრობს.

სამხედრო გადატრიალების მოწყობის მცდელობას 230 ადამიანი ემსხვერპლა, მათი უმრავლესობა თავად სამხედროა.

15 ივლისის შემდეგ სამსახურიდან დაითხოვეს და დააპატიმრეს ათი ათასობით სამხედრო, მოსამართლე, პოლიციელი, მასწავლებელი. ქვეყანაში დაიხურა 100-ზე მეტი მედიასაშუალება დაიხურა, რის შედეგადაც სამსახურის გარეშე დარჩა 2 300-ზე მეტი ჟურნალისტი.

15 ივლისის მოვლენების შემდეგ თურქეთში მინიმუმ 99 ჟურნალისტი და მწერალი დააკავეს, მინიმუმ 330-ს აკრედიტაცია ჩამოართვეს.