ბელორუსის პრეზიდენტმა ალექსანდრ ლუკაშენკომ 3 თებერვალს გამართულ პრესკონფერენციაზე აშშ-ის ახლადარჩეული პრეზიდენტისა და ვლადიმერ პუტინის ურთიერთობაზეც ისაუბრა.

ლუკაშენკოს თქმით, ამერიკამ აირჩია პროამერიკელი პრეზიდენტი და არა პრორუსი, როგორც ამის მოლოდენები არსებობს.

„რამდენჯერ ვუთხარი რუსეთის ხელმძღვანელობას, დაწყნარდით, ტრამპს საქმეს უარესად ნუ გაუხდით, თითქოს მათ დანიშნეს ტრამპი აშშ-ის პრეზიდენტად. ტრამპი ამერიკის პრეზიდენტია, ლოზუნგით „გავხადოთ ამერიკა კვლავ დიადი“.
როდესაც პუტინთან ამ საკითხს განვიხილავდი, მე მას ვუთხარი: წარმოიდგინეთ, მოლაპარაკებების მაგიდასთან სხედხართ, სადაც დაწერილია ლოზუნგი - „გავხადოთ ამერიკა კვლავ დიადი“, მაშინ რომელ ვაგონში იქნები? პირველ ვაგონში მის გვერდით ტრამპი არ დაგსვამს. დაგსვამს ოცდამეშვიდე ვაგონში ან მეოცეში, როგორც რუსეთის ეკონომიკაა მსოფლიოში მეოცე. მეოცე ადგილი - მეოცე ვაგონი. თანახმა იქნები? - არა. მეც არ დავთანხმდებოდი და როგორი რეაქცია გექნებათ მერე? ის ხომ თქვენ დანიშნეთ პრეზიდენტად, ისიც ცუდია, როგორც ობამა იყო ცუდი? უნდა გაიგოთ, რომ ამერიკამ აირჩიაპროამერიკელი პრეზიდენტი. არა პრორუსი ან პრობელორუსი, არამედ პროამერიკელი“ -განაცხადა ლუკაშენკომ.