,,სასწრაფო წესით ევროკავშირმა ნატოში უნდა უზრუნველყოს სტრატეგიული ავტონომია“

,,სასწრაფო წესით ევროკავშირმა ნატოში უნდა უზრუნველყოს სტრატეგიული ავტონომია“ - ფრანსუა ოლანდი

მსოფლიო - 14:54, 06 Feb, 2017

7910

საფრანგეთის პრეზიდენტმა ფრანსუა ოლანდმა ევროპის კავშირის სამიტის პირველი ნაწილის დასრულების შემდეგ განაცხადა, რომ სამიტზე იხილებოდა სიტუაცია აშშ-ს პრეზიდენტის ახალი ადმინისტრაციის გეგმებისა და ზრახვების შესახებ.

,,ჩვენს შორის შესაძლებელია იყოს 28 სხვადასხვა მოსაზრება, მათ შორის ტრამპის ადმინისტრაციის შეფასების ნაწილში, მაგრამ არსებობს ერთობა ევროკავშირის სახით, რომელიც გვიბიძგებს მივიღოთ გადამჭრელი ზომები იმასთან დაკავშირებით, რაც დღეს ხდება“, - აღნიშნა საფრანგეთის პრეზიდენტმა.

,,პირველი დასკვნა, რაც შეიძლება გაკეთდეს ეხება იმას, რომ იმ შემთხვევაშიც კი, რომ ნატო რჩება ტრანსატლანტიკურ სოლიდარობად, ევროპამ უნდა მოხერხოს საკუთარი უსაფრთხოების ორგანიზება ნატოს ალიანსის ჩარჩოებში“ - ხაზი გაუსვა ოლანდმა და დასძინა, რომ ეს უნდა ,,გამოცხადდეს ევროპის კავშირის პერსპექტივად“.

ოლანდმა მიანიშნა, რომ ევროკავშირის წევრებმა უნდა გააძლიერონ თავიანთი თავდაცვისუნარიანობა და ,,სასწრაფო წესით ევროკავშირმა ნატოში უნდა უზრუნველყოს სტრატეგიული ავტონომია“.