"მოსამართლემ ქვეყნის კარები გაუღო პოტენციურ ტერორისტებს" - ტრამპი სააპელაციო სასამართლოს გადაწყვეტილებაზე

მსოფლიო - 12:34, 06 Feb, 2017

2433

აშშ-ის პრეზიდენტმა დონალდ ტრამპმა, ის მოსამართლე გააკრიტიკა, რომელმაც საიმიგრაციო კონტროლის გამკაცრებაზე ტრამპის განკარგულება დაბლოკა.

“ვერ ვიჯერებ, რომ მოსამართლემ ასეთ საფრთხეში ჩააყენა ჩვენი ქვეყანა. თუ რამე მოხდება, დააბრალეთ მას და სასამართლო სისტემას.

მოსამართლემ ქვეყნის კარები გაუღო პოტენციურ ტერორისტებს და მათ, ვისაც ჩვენდამი საუკეთესო ინტერესები არ აქვთ. ცუდი ადამიანები ძალიან ბედნიერები არიან“ - წერს დონალდ ტრამპი.

შეგახსენებთ, ამერიკის შეერთებული შტატების სააპელაციო სასამართლომ დონალდ ტრამპის ადმინისტრაციის მიერ შეტანილი სარჩელი არ დააკმაყოფილა.

შეგახსენებთ, 4 თებერვალს, ფედერალურმა სასამართლომ ტრამპის განკარგულება შეაჩერა, რომელიც შვიდი მუსლიმური ქვეყნის მოქალაქეებს ამერიკაში შესვლას კრძალავს. ფედერალური სასამართლოს გადაწყვეტილების შემდეგ ქვეყანაში ანულირებული ვიზების აღდგენა დაიწყო.

თეთრი სახლის ახალმა ლიდერმა სიეტლის ფედერალური სასამართლოს გადაწყვეტილება გაასაჩივრა და საიმიგრაციო განკარგულების მოქმედების აღდგენა მოითხოვა, თუმცა სასამართლომ სარჩელი არ დააკმაყოფილა.

შეგახსენებთ, ტრამპის განკარგულების თანახმად, 7 მუსლიმური ქვეყნის - სირიის, ერაყის, ირანის, ლიბიის, სომალის, სუდანისა და იემენის მოქალაქეებისათვის ამერიკული ვიზების გაცემის შეჩერების ბრძანება გასცა.

მიგრანტების აკრძალვის განკარგულების გაცემის მომენტიდან ჯამში 100 ათასი ამერიკული ვიზა გაუქმდა.