აშშ-ის პრეზიდენტი დონალდ ტრამპი თვითერზე კვლავ აქტიურობს. ამჯერად, სოციალური ქსელი ირანზე სასაუბროდ გამოიყენა და განაცხადა, რომ ის "ცეცხლს ეთამაშება."

"ირანი ცეცხლს ეთამაშება. ისინი არ აფასებენ რამდენად "კეთილი" იყო მათ მიმართ პრეზიდენტი ობამა. მე ასეთი არ ვიქნები!" - დაწერა ტრამპმა.

გავრცელებული ინფორმაციით, ტრამპის ადმინისტრაცია, მომავალ კვირაში, ირანისთვის ახალი სანქციების დაწესებას გეგმავს.

შეგახსენებთ, დასავლურმა მედიამ პენტაგონის წყაროზე დაყრდნობით განაცხადა, რომ თეირანიდან 225 კილომეტრის დაშორებით მდებარე პოლიგონზე ირანმა ბალისტიკური რაკეტები გამოსცადა.

ვაშინგტონმა დაგმო და ირანი ოფიციალურად გააფრთხილა,

ირანის მიერ ბალისტიკური რაკეტის გამოცდის გამო გაეროს უშიშროების საბჭოს საგანგებო სხდომა გაიმართა. აშშ-ის მსგავსად, ირანის ქმედება დაგმო გაერომაც.