რატომ დასჭირდა რუსეთს ბელორუსთან სასაზღვრო ზონის აღდგენა

რატომ დასჭირდა რუსეთს ბელორუსთან სასაზღვრო ზონის აღდგენა - მოკავშირეთა გაყოფის მიზეზები

მსოფლიო - 15:41, 03 Feb, 2017

3322

რუსეთმა გადაწყვიტა რუსეთ-ბელორუსის საზღვარზე სასაზღვრო ზონა აღადგინოს, ეს ყველაფერი კი ოფიციალურ მინსკთან შეთანხმების გარეშე ხდება.

როგორც ბელორუსის საგარეო საქმეთა მინისტრმა განაცხადა, სასაზღვრო ზონის აღდგენა მათთვის სიურპრიზი აღმოჩნდა.

ორ ქვეყანას შორის აღნიშნული ზონა მხოლოდ რამდენიმე წელი არსებობდა. 1995 წელს, მეგობრობის, კეთილმეზობლობისა და თანამშრომლობის ხელშეკრულების დადების შემდეგ სასაზღვრო ზონა გაუქმდა, 2011 წელს კი საბაჟო კავშირის ჩამოყალიბების შემდეგ, ბოლო საკონტროლო-გამშვები პუნქტიც გაუქმდა.

რა ხდება დღეს?

დღეს, ორი ქვეყნის საზღვარზე გამაფრთხილებელი ნიშნები და გამშვები ზონები მონტაჟდება. საზღვრის გადაკვეთა მხოლოდ პასპორტის შემოწმებით ხდება, თუმცა მოწმდება ყველა მანქანა.

რატომ დასჭირდა რუსეთს ბელორუსთან სასაზღვრო ზონის აღდგენა?

მედიაში კრემლის სამ მთავარ არგუმენტზე წერენ:

1. უვიზო რეჟიმი დასავლეთისთვის

ბელორუსის პრეზიდენტმა 80 ქვეყნის მოაქალაქისთვის, მათ შორის აშშ-სა და ევროკავშირის წევრ ყველა სახელმწიფოსთვის უვიზო რეჟიმი შემოიღო. მიმდინარე წლიდან აღნიშნული ქვეყნების მოქალაქეებს უფლება ექნებათ ბელორუსში უვიზოდ 5 დღე გაატარონ. ამასთან დაკავშირებით რუსეთის პასუხი შემდეგია - მსგავსი გადაწყვეტილება რუსეთისთვის ტერორისტულ საფრთხეს ზრდის.

2. არსებობს მეორე ვარაუდი - დღემდე , ბელორუსი ევროპაში მოხვედრის სურვილის მქონე რუსებისთვის ყველაზე მარტივ გზად რჩება. მინსკის გავლით, ქვეყანა დატოვეს რუსეთის იმ მოქალაქეებმა, რომლესაც ქვეყნის დატოვება ეკრძალებოდათ. ოქტომბრის დასაწყისში , სასამართლოს გადაწყვეტილებით, რუსეთის დატოვება აეკრძალა მილიონზე მეტ მოქალაქეს, რომელთა ფინანსური დავალიანება 10 ათას რუბლს აღემატებოდა.

3. აკრძალული საქონლის რეექსპორტი - გასულ წელს ბელორუსი გახდა ლიდერი ქვეყანა აკრძალული საქონლის რეექსპორტში. რუსული მხარის განცხადებით, საბაჟო სამსახურმა კანონდარღვევის 250-ზე მეტი შემთხვევა გამოავლინა.

მოსკოვის თავდასხმა მინსკისთვის სრული მოულოდნელობა აღმოჩნდა. როგორც საგარეო საქმეთა მინისტრმა განაცხადა, სასაზღვრო ზონის აღდგენასთან დაკავშირებით არსებულ არათუ გადაწყვეტილებაზე, არამედ იდეაზეც არაფერი იცოდნენ.

გავრცელდა ინფორმაცია, რომ საპასუხოდ, ბელორუსი მზადაა ევრაზიული ეკონომიკური კავშირი და კოლექტიური უსაფრთხოების ხელშეკრულების ორგანიზაცია დატოვოს. ამის შესახებ ინფორმციას სააგენტო Regnum-ი ანონიმურ წყაროზე დაყრდნობით გაავრცლეა. როგორც რეგნუმი წერს ბელორუსმა ასევე შეიძლება დატოვოს რუსეთ-ბელორუსის კავშირიც.

მოსკოვის მიზეზებს არ იზიარებს ბელორუსის პრეზიდენტი, რომელმაც სასაზღვრო ზონის აღდგენის გამო, ბელორუსის პრეზიდენტმა ალექსანდრ ლუკაშენკომ რუსეთი სახელმწიფოთაშორისო ხელშეკრულებების დარღვევაში დაადანაშაულა და აღნიშნა, რომ რუსეთთან ურთიერთობის გამწვავება მას შემდეგ მოხდა, რაც „რუსეთს ეჭვი გაუჩნდა, რომ ბელორუსი დასავლეთისკენ მიდის.“