დიდი ბრიტანეთის პარლამენტმა "ბრექსითის" პროცედურის დაწყებას მხარი დაუჭირა

მსოფლიო - 23:52, 01 Feb, 2017

2215

დიდი ბრიტანეთის პარლამენტმა ლისაბონის ხელშეკრულების 50-ე მუხლის ამოქმედებას მხარი დაუჭირა.

რაც იმას ნიშნავს, რომ პრემიერ ტერეზა მეის უფლება მისცა დიდი ბრიტანეთის მიერ ევროკავშირის დატოვების პროცედურა ოფიციალურად დაიწყოს.
კანონპროექტის წინააღმდეგ გამოვიდა "შოტლანდიის დემოკრატიული პარტია" და "ლიბერალ დემოკრატიული პარტია".
სანამ კანონპროექტი ძალაში შევა, გადასამოწმებლად ლორდთა პალატას გადაეგზავნება.
რამდენიმე დღის წინ, ბრიტანეთის უზენაესმა სასამართლმ მიიღო გადაწყვეტილება, რომ გაერთიანებული სამეფოს ხელისუფლება ლისაბონის ხელშეკრულების 50-ე მუხლს, პარლამენტის თანხმობის გარეშე ვერ აამოქმედებდა, რაც იმას ნიშნავს, რომ პრემიერ-მინისტრი ტერეზა მეი “ბრექსითის” პროცედურას დამოუკიდებლად ვერ დაიწყებდა.

პრემიერ-მინისტრი ტერეზა მეი აცხადებდა, რომ ევროკავშირიდან დიდი ბრიტანეთის გასვლის პროცედურას არაუგვიანეს 2017 წლის მარტისა დაიწყებდა.

შეგახსენებთ, გაერთიანებულ სამეფოში რეფერენდუმი მიმიდინარე წლის 23 ივნისს ჩატარდა. ამომრჩეველთა 51,9%-მა ქვეყნის ევროკავშირიდან გასვლას დაუჭირა მხარი, 48,1 % წინააღმდეგი იყო.

ლონდონსა და შოტლანდიაში, ასევე ჩრდილოეთ ირლანდიაში ხმა ევროკავშირში დარჩენის სასარგებლოდ მისცეს, თუმცა უელსსა და ინგლისის საგრაფოებში ევროკავშირიდან გასვლას დაუჭირეს მხარი.

რეფერენდუმის შედეგების გამოცხადებისთანავე დიდი ბრიტანეთის პრემიერ-მინისტრმა დევიდ ქემერონმა თანამდებობა დატოვა. მისი თქმით, არასწორი იქნება, დარჩეს “გემის კაპიტნად” მაშინ, როდესაც დიდი ბრიტანეთის მოსახლეობამ სხვა გზა აირჩია.