ჯონი დეპი გაკოტრების ზღვარზეა - ის თვეში 2 მილიონ დოლარს ხარჯავდა

ეს საინტერესოა - 20:23, 01 Feb, 2017

15639

ჯონი დეპი გაკოტრების ზღვარზეა, ამის შესახებ ინფორმაცია მისმა ყოფილმა ფინანსურმა მენეჯერებმა სასამართლოს მიაწოდეს, სადაც საჩივარი ჯონი დეპმა სწორედ მათ წინააღმდეგ შეიტანა. ვარსკვლავი ექს-მენეჯერებს ფინანსური ინფორმაციის დამალვაში ადანაშაულებს და ბრალს სდებს, რომ ისინი კრედიტებს მის გარეშე იღებდნენ და არც ფინანსური მდგომარეობის შესახებ აფრთხილებდნენ.

ბრალდებას უარყოფენ მენეჯერები და აცხადებენ, რომ მათ ყველა ხარჯი დეტალურად აქვთ აღრიცხული, მათი თქმით ჯონი დეპი 20 წლის განმავლობაში ყოველთვიურად დაახლოებით 2 მილიონამდე ხარჯავდა, მათ შორის 30 ათას $ ალკოჰოლურ სასმელებში, 200 ათას $-ს მგზავრობაში, 150 ათას $-ს დაცვას უხდის, ხოლო 300 ათას $-ს თანაშემწეების მომსახურებაში იხდის.

მენეჯერების განცხადებით, ფულის ამგვარი ხარჯვის პირობებში ფინანსური პრობლემები გარდაუვალი იყო, რადგან მსახიობს ბოლო დროს არც ისე ხშირად იღებენ კინოში.

ჯონი დეპის ფინანსური ოპერაციებით ცნობილი კომპანია TMG-ი იყო დაკავებული, ცნობილმა მსახიობმა მათ წინაამდეგ სარჩელის შეტანა მას შემდეგ გადაწყვიტა, რაც მენეჯერებმა მას ვალების გასასტუმრებლად საფრანგეთში მდებარე უძრავი ქონების გაყიდვა მოსთხოვეს. ჯონი დეპის თქმით მათ შეეძლოთ ფინანსური მდგომარეობის შესახებ ინფორმაცია დროულად მიეწოდებინათ და გაკოტრება თავიდან აეცილებინათ. ჯონი დეპი კომპანიისგან კომპენსაციას 25 მილიონ $-ს ითხოვს.