ტუბა ბუიუკუსტუნი ქმარს შორდება- რა გახდა მსახიობების ოჯახის დანგრევის მიზეზი (ფოტოკოლაჟი)

ეს საინტერესოა - 13:00, 31 Jan, 2017

65284

თურქი კინოვარსკვლავი ტუბა ბუიუკუსტუნი 6 წლიანი თანაცხოვრების შემდეგ თავის მსახიობ მეუღლეს ონურ საილაკს შორდება.

ბუიუკუსტუნის და საილაკის სასიყვარულო ურთიერთობა სერიალ Gönülçelen-ის გადასაღებ მოედანზე დაიწყო. ქორწილი კი 2011 წლის ზაფხულში პარიზში შედგა, 2012 წლის დასაწყისში მსახიობს ტყუპი გოგონები მაია და ტოპრაკი შეეძინა.

მსახიობი წყვილის დაშორების შესახებ საუბარი დიდი ხანია მიმდინარეობს, თუმცა თავად ბუიუკუსტუნი და საილაკი ამის შესახებ არ საუბრობდნენ და ფაქტი მხოლოდ მას შემდეგ დადასტურდა რაც მათ ქორწინების გაუქმების შესახებ შესაბამის უწყებებს ოფიციალური განცხადებით მიმართეს.

განქორწინების მიზეზად ოჯახური ცხოვრების და კარიერის შეუთავსებლობა სახელდება. ადრე, როდესაც გადაღება ბუიუკუსტუნს ქონდა, ოჯახზე და ბავშვებზე მისი მეუღლე ზრუნავდა, იგივე ხდებოდა, როდესაც გადაღებებზე ონურ საილაკი იყო დაკავებული, იმ პერიოდში ტუბა უარს ამბობდა ახალ პროექტებზე და ოჯახზე მზრუნველობას თავისთავზე იღებდა. თუმცა ბოლო პერიოდში მსახიობებმა დიდ პროექტებში მონაწილეობის შეთავაზება მიიღეს, რომელზეც უარი ვერცერთმა ვერ თქვა. საბოლოოდ კარიერას მათი ურთიერთობა შეეწირა.

ტუბა ბუიუკუსტუნი მონაწილეობს სერიალში „Cesur ve Güzel” სადაც ყოველ სერიაში მას 120 000 თურქულ ლირას უხდიან, ონურ საილაკი კი მონაწილეობს ისტორიულ სერიალში Vatanım sensing სადაც ის თითო სერიაში 30 000 ლირას იღებს.

მსახიობებმა დაშორება ერთმანეთთან განსაკუთრებული პრეტენზიების ქონის გარეშე, მშვიდობიანად გადაწყვიტეს, მოილაპარაკეს რომ ბავშვები დედასთან დარჩებიან.