ამერიკის შეერთებული შტატების პრეზიდენტ დონალდ ტრამპსა და მის რუს კოლეგას შორის სატელეფონო საუბარი შედგა.

საუბარი ტრამპის ოვალურ კაბინეტში, მისი მრჩევლების თანდასწრებით გაიმართა. პრეზიდენტების საუბარს აშშ ვიცე პრეზიდენტი მაიკლ პენსი, ეროვნული უსაფრთოხების საკითხებში პრეზიდენტის მრჩეველი მაიკლ ფლინი, თეთრი სახლის აპარატის უფროსი რაუნს პრიბესი და პრეზიდენტის პოლიტიკური მრჩეველი სტივენ ბენონი ესრებოდნენ.

რაც შეეხება საუბრის თემას, სახელმწიფო დეპარტამენტს ამის შესახებ ოფიციალური ინფორმაცია არ გაუვრცელებია, თუმცა კრემლის პრესსამსახურის ინფორმაციით, სახელმწიფოს მეთაურებმა ტერორისმთან წინააღმდეგ ბრძოლასა და ახლო აღმოსავლეთში მიმდინარე მოვლენებზე ისაუბრეს, ასევე ირანის ბირთვული პროგრამის ირგვლივ შექმნილი ვითარებას და უკრაინაში კრიზისის ძირითად ასპექტებს შეეხნენ.

კრემლის ცნობით, პრეზიდენტები შეთანხმდნენ, რომ პირადი რეგულარული კონტაქტები ექნებათ. სახელმწიფოს მეთურებმა მხარი დაუჭირეს რუსეთისა და ამერიკის ქმედებების რეალურ კოორდინაციას ტერორისტური დაჯგუფება „ისლამური სახელმწიფოს“ განადგურების მიზნით.

კრემლის მიერ გავრცელებულ ინფორმაციაში არაფერია ნათქვამი რუსეთთან მიმართებაში ამერიკის სანქციებთან დაკავშირებით, რომელიც, საერთაშორისო მედიის ცნობით, შესაძლებელი იყო საუბრის ერთ-ერთი მთავარი საკითხი ყოფილიყო.