რუსული მედიის ცნობით, რუსეთის უშიშროების ფედერალური სამსახურის,ინტერნეტუსაფრთხოების სამსახურის მეორე ოპერატიული სამმართველოს ხელმძღვანელი სერგეი მიხაილოვი, რომელიც სახელმწიფო ღალატის ბრალდებით იქნა დაპატიმრებული, ჰაკერულ დაჯგუფება «Шалтай-Болтай»-ს ხელმძღვანელობდა. ეს დაჯგუფება იკვე რამდენიმე წელია ინტერნნეტში აქვეყნებს რუსეთის მაღალჩინოსნების, მათ შორის პრემიერ-მინისტრ დიმიტრი მედვედევის პირად მიმოწერასა და ფაქტებს.

როგორც მედია აცხადებს, მიხაილოვი პირდაპირ ФСБ-ს კოლეგიის თათბირიდან გამოიყვანეს და მას თავზე ტომარა ჰქონდა ჩამოცმული. მასთან ერთად დააკავეს რუსლან სტოიანოვი, რომელიც „კასპერსკის ლაბორატორიის“ კომპიუტერული ინციდენტების მოკვლევის სამსახურის ხელმძღვანელი იყო.

«Коммерсант»-ის ინფორმაციით, მიხაილოვი ФСБ-ს ინტერნეტუსაფრთხოების სამსახურის ერთერთი საკვანძო ფიგურა იყო. იგი ინტერნეტბიზნესკომპანიებსა და უშიშროებას შორის წამოჭრილ პრობლემებს აგვარებდა.

მიუხედავად იმისა, რომ «Шалтай-Болтай»-ის მიერ გავრცელებული ინფორმაციები განსაკუთრებულ არაფერს შეიცავს, რუსები მას აშშ-ს სპეცსამსახურებთან აკავშირებენ.

ამავე საქმეში მესამე პიროვნებაც ფიგურირებს. ეს არის ФСБ-ს თანამშრომელი დიმიტრი დოკუჩაევი. დოკუჩაევი სპეცსამსახურში მუშაობის დაწყებამდე თავად იყო ჰაკერი, მეტსახელად Forb და მას არაერთი საიტი, მათ შრის უცხოურიც აქვს „გატეხილი“. დოკუჩაევი ე.,წ. ქარდინგითაც (საბანკო საკრედიტო ბარათებიდან ფულის მითცისება) იყო დაკავებული.2006 წელს, სწორედ ქარდინგის გამო დაინტერესდა მისით ФСБ და იგი ჯერ „დაავერბოვკა“ ხოლო შემდეგ სამსახურშიც აიყვანა.

რუსული მედიის ცნობით, სქემა ასეთი იყო: ჰაკერულ დაჯგუფებას ხელმძღვანელობდა ФСБ-ს მაღალჩინოსანი სერგეი მიხაილოვი, რომელიც „კასპერსკის ლაბორატორიის“ ერთერთ წამყვან თანამდებობის პირ რუსლან სტოიანოვსა და დოკუჩაევთან ერთად მოიპოვებდა მაღალჩინოსნების პირად ინფორმაციას და მას «Шалтай-Болтай»-ს მეშვეობით ავრცელებდა.