აშშ-ის პრეზიდენტი მექსიკიდან საქონლის იმპორტზე 20%იანი გადასახადის დაწესებასა და ამ გზით საზღვარზე კედლის მშენებლობის ფინანსების მობილიზებას აპირებს.

ამის შესახებ თეთრი სახლის პრეს მდივანმა შონ სპაისერმა განაცხადა.

აღნიშნული გადაწყვეტილების შესახებ მას შემდეგ გახდა ცნობილი, რაც მექსიკის პრზიდენტმა ენრიკე მენია ნიეტომ ვაშინგტონში დაგეგმილი ვიზიტი გააუქმა.

მისი თქმით, ამ გზით შეერთებული შტატები წელიწადში 10 მილიარდ დოლარამდე მოგებას ნახავს, რითაც მექსიკის საზღვართან კედლის დაფინანსება შესაძლებელი გახდება.

შეგახსენებთ, 25 იანვარს, დონალდ ტრამპმა ხელი მოაწერა განკარგულებას, რომელის მექსიკის საზღვართან კედლის აშენებას ითვალისწინებს.

მექსიკის საზღვარზე კედლის აშენება ტრამპის საარჩევნო კამპანიისას ერთ-ერთი მთავარი დაპირება იყო. მაშინ ტრაპმა განაცხადა, რომ მექსიკას კედლის მშენებლობისთვის ფინანსების გადახდას აიძულებდა.

მექსიკის პრეზიდენტმა ენრიკე პენია ნიეტომ აშშ-მექსიკის საზღვარზე კედლის მშენებლობის შესახებ პრეზიდენტ დონალდ ტრამპის გადაწყვეტილება დაგმო და კიდევ ერთხელ განაცხადა, რომ მექსიკა კედლის მშენებლობისთვის ფულს არ გადაიხდის.

ამავდროულად, მექსიკის პრეზიდენტმა ენრიკე მენია ნიეტომ ვაშინგტონში დაგეგმილი ვიზიტი გააუქმა, სადაც ამერიკელ კოლეგას, დონალდ ტრამპს უნდა შეხვედროდა.