გია ცერცვაძე უკრაინის სააპელაციო სასამართლომ პატიმრობაში დატოვა

პოზიცია - 14:28, 26 Jan, 2017

7586

უკრაინი სააპელაციო სასამართლომ გია ცერცვაძე პატიმრობში დატოვა. მომავალი სხდომა 3 თებერვალს გაიმართება. მოსამართლემ გადაწყვეტილების მიზეზად დაასახელა ის, რომ პირველი ინსტანციის სასამართლოს საქმის მასალები არ გადმოუგზავნია და შესაბამისად აღნიშნულ საქმეზე სააპელაციო სასამართლო ვერ იმსჯელებს.

ამ გადაწყვეტილებას სასამართლო დარბაზში პროტესტი მოჰყვა. ადვოკატის თქმით გია ცერცვაძის ჯანმრთელობის პრობლემები აქვს და მისთვის საკანში გატარებული ყოველი ზედმეტი დღე დამატებითი ზიანის მომტანია.

გია ცერცვაძე დღევანდელ სასამართლო პროცეს ვერ დაესწრო, ის სასამართლოს დისტანციურად ჩაერთო.
კიევის სააპელაციო სასამართლოს მიერ გადაწყვეტილების მიღების შემდეგ პირველი კომენტარი გია ცერცვაძის ადვოკატმა ქსენია პროკონოვამ.

ადვოკატი იმედგაცრუებულია, რადგან გია ცერცვაძის პატიმრობაში დატოვება ჯარისკაცის ჯანმრთელობისთვის საშიშია.

„სასამართლომ თავისი უფლებით ისარგებლა, რადგან სააპელაციო სასამართლოს მასალები ამ დრომდე არ მიაწოდეს. თუმცა, მასალების გადმოცემის დაგვიანება ნიშნავს იმას, რომ გია პატიმრობაში რჩება. სამწუხაროდ, ეს მის ჯანმრთელობასა და მის პერსპექტივაზე ცუდად მოქმედებს, რადგან ამ დროის განმავლობაში ის არ იქნება თავისი ოჯახის წევრებთან ერთად და ვერც საკუთარი უფლებების დაცვას შეძლებს. რა თქმა უნდა, მე იმედგაცრუებული ვარ. შემდეგი სხდომა 3 თებერვალს არის ჩანიშნული, რაც იმას ნიშნავს, რომ გია პატიმრობაში კიდევ ერთი კვირა იქნება. მე საქმის მასალების პირველი ინსტანციის სასამართლოდან გადმოცემის დაჩქარებაზე ვიზრუნებ,“ - განაცხადა ქსენია პროკონოვამ.

მოსამართლეების მხრიდან გადაწყვეტილების გამოცხადებას დარბაზში პროტესტი მოჰყვა.უკმაყოფულება გამოთქვა საქართველოს მესამე პრეზიდენტმაც.

საქართველოს ექსპრეზიდენტი იმედოვნებს, რომ ცერცვაძე მომდევნო სხდომაზე აუცლებლად გათავისუფლდება.

"ვფიქრობ სახლში გაუშვებენ, მაგრამ ყოველი დამატებითი დღე პატიმრობის არის სამარცხვინო, თუმცა სჩანს რომ გაუშვებენ“ - განაცხადა სააკაშვილმა ქართულ მედიასთან კომენტარში.