მორიგი ვარსკვლავური განქორწინება - სკარლეტ იოჰანსონი და რომენ დორიაკი დაშორდნენ (ფოტოკოლაჟი)

ეს საინტერესოა - 13:01, 26 Jan, 2017

3595

მაშინ როდესაც ჰოლივუდის მთავარი წყვილის ბრედ პიტი და ანჯელინა ჯოლი განქორწინების პროცესში არიან, ცნობილი გახდა კიდევ ერთი ვარსკვლავური წყვილის დაშორების შესახებ.

როგორც გამოცემა People წერს, ჰოლივუდის ვარსკვლავი სკარლეტ იოჰანსონი და მისი მეუღლე, პოპულარული ფრანგი ჟურნალისტი რომენ დორიაკი ერთმანეთს დაშორდნენ.

აღნიშნული ინფორმაცია იმ ფაქტმაც გაამყარა, რომ რამდენიმე დღის წინ, ვაშინგტონში ქალთა მარშზე სიტყვით გამოსვლისას, სკარლეტს საქორწილო ბეჭედი არ ეკეთა.

მათი დაშორების მიზეზი უცნობია.

წყვილმა 2014 წელს იქორწინა. მათი რომანის შესახებ მაშინ გახდა ცნობილი, როდესაც 2012 წლის ოქტომბერში პაპარაცებმა ნიუ იორკში , რომანტიულ ვახშამზე გამოიჭირეს. ერთი წლის შემდეგ სკარლეტმა ნიშნობის შესახებ განაცხადა, 2014 წელს კი წყვილმა საიდუმლოდ იქორწინა.

აღსანიშნავია, რომ სკარლეტ იოჰანსონი საცხოვრებლად ქმრის სამშობლოში , საფრანგეთში გადავიდა და პარიზში ცხოვრობდა. გასული წლის დეკემბერში პარიზში პოპკორნის მაღაზიაც გახსნა წყვილს ორი წლის გოგონა ჰყავს.

სკარლეტ იოჰანსონისთვის ეს მეორე ქორწინებაა.

2008 -2010 წლებში ის მსახიობ რაიან რეინოლდსზე იყო დაქორწინებული.