"მანქანა გაჩერდა და მოხუცის დასახმარებლად დევიდ ბექჰემი გადმოვიდა"

"მანქანა გაჩერდა და მოხუცის დასახმარებლად დევიდ ბექჰემი გადმოვიდა" - მორიგი ემოციური ისტორია(ფოტო)

ეს საინტერესოა - 19:06, 23 Jan, 2017

53884

ცნობილი ფეხბურთელის დევიდ ბექჰემის საქველმოქედო საქმიანობაზე მედია ხშირად წერს. ხშირად წერენ ასევე 41 წლის ფეხბურთელის ჰუმანურობასა და მის თავს გადამხდარ შემთხვევითობებზე.

მორიგი ისტორია თვითერზე გავრცელდა, რომელიც დასავლურმა ტაბლოიდებმა მალევე აიტაცეს.

როგორც ერთ-ერთი თვითმხილველი თვითერზე წერს, ლონდონში, კენსინგტონის რაიონში, პიკის საათისას, ფეხით მოსიარულე მოხუცი ქალი წაიქცა და თავი დაარტყა. თვითმხილველების თქმით კი სწორედ ამ დროს მანქანით დევიდ ბექჰემმა ჩაიარა, რომელმაც გულწასული ქალბატონი დაინახა, მანქანა მაშინვე გააჩერა და ქალბატონს სასწრაფო დახმარების მისვლამდე დაეხმარა.

„მოხუცი ქალს ვეხმარებოდი, რომელიც ქუჩაში წაიქცა და ამ დროს მანქანა გაჩერდა ქალის დასახმარებლად. გამოიცანით ვინ იყო? დევიდ ბექჰემი. რა ჯენტლმენობაა” - წერს ქალი.

თვითის გავრცელების შემდეგ „დეილი მეილი“ ლონდონის სამაშველო სამსახურს დაუკავშირდა.

„დაახლოებით 16:45-ზე ასაკოვანი ქალბატონი ქუჩაში ცუდად გახდა და დაეცა. დევიდ ბექჰემმა იქვე მანქანა გააჩერა და ქალს წყალი მიაწოდა. სასწრაფო დახმარების ბრიგადის მოსვლამდე იქ იყო, მათი მოსვლის შემდეგ კი მადლობა გადაუხადა და თქვა, რომ უკვე შეეძლო წასვლა“ - განუცხადა სააგენტოს სამაშველო სამსახურის პრესმდივანმა.

მსგავსი ისტორია ადრეც გავრცელდა სოციალურ ქსელში. გასულ წელს, კეტრინ მეინარდი, რომელიც ლონდონის ველოსიპედისტების სამედიცინო დახმარების ცენტრში მუშაობს, ტროტუარზე წაქცეულ მოხუც მამაკაცს ეხმარებოდა. ამ დროს ქუჩაში დევიდ ბექჰემი გამოჩნდა.

" გარეთ ძალიან ციოდა და ვცდილობდი დაშავებული გამეთბო. ამ დროს, ახალგაზრდა კაცი დავინახე, რომელიც ძალიან ჰგავდა დევიდ ბექჰემს. ის მოგვესალმა და თავის ავტომობილში ჩაჯდა. რამდენიმე წუთის შემდეგ ბექჰემი დაბრუნდა და ცხელი სასმელი მოგვიტანა" - განაცხადა მეინარდმა და ფეხბურთელთან გადაღებული ფოტოც ატვირთა.