პოლიტიკური კრიზისის დასასრული - იაჰია ჯამემ პრეზიდენტობისთვის ბრძოლაზე უარი განაცხადა

მსოფლიო - 15:23, 21 Jan, 2017

4117

იაჰია ჯამემ, რომელიც გამბიის პრეზიდენტის პოსტს 20 წლის განმავლობაში იკავებდა, ძალაუფლებისთვის ბრძოლაზე უარი განაცხადა და თანამდებობას არჩევნების შედეგად გამარჯვებულ ადამ ბაროუს უთმობს.

ამის შესახებ ცნობილი, მოლაპარაკებების შედეგად გახდა, რომელიც ჯამეს, გვინეისა და მავრიტანიის პრეზიდენტებს შორის მიმდინარეობდა. ეს უკანასკნელნი პოლიტიკური კრიზისის მოგავრებაში შუამავლების როლს ასრულებდნენ.

ჯამემ განცხადება ტელევიზიით გააკეთა და განაცხადა, რომ გამბიაში ერთი წვეი სისხლიც არ უნდა დაიღვაროს.

შეგახსენებთ, გამბიაში პოლიტიკური კრიზისი გასული წლის დეკემბერში დაიწყო. მაშინ საპრეზიდენტო არჩევნებში ადამ ბაროუმ გაიმარჯვა, დამარცხებული პრეზიდენტი იახია ჯამე, კი თანამდებობიდან გადადგომაზე უარს აცხადებდა.

ხუთშაბათს სენეგალის შეიარაღებულმა ძალებმა გამბიაში ქვეყანაში საპრეზიდენტო კრიზისის მოსაგვარებლად, სამხედრო ოპერაციის დაწყების შესახებ განაცხადა.

გამბიაში სენეგალის სამხედრო ინტერვენციას გაეროს უშიშროების საბჭომაც მხარი დაუჭირა. რეზოლუციას საბჭოს 15-ივე წევრის მხარდაჭერა ჰქონდა.

მეორე დღეს კი დასავლეთ აფრიკის შეიარაღებულმა ძალებმა გამბიაში სამხედრო ოპერაცია შეაჩერა. სამხედრო ოპერაციის შეჩერების მიზეზად კი კრიზისული სიტუაციის მშვიდობიანი გზით მოგვარების კიდევ ერთი შანსი დაასახელეს.