ამ წუთებში აშშ-ში 45-ე პრეზიდენტის ინაუგურაციის ცერემონიალი დაიწყო.

ოფიციალური პირები საკუთარ ადგილებს იკავებენ და დონალდ ტრამპის გამოსვლას ელოდებიან.

ინაუგურაცია მუსიკალური პერფორმანსით გაიხსნება. აშშ-ის ეროვნულ ჰიმნს 16 წლის მომღერალი ჯეკი ივანკო შეასრულებს, რომელიც ცნობილი გახდა ტელეშოუში America’s Got Talent მონაწილეობის შემდეგ. აღსანიშნავია, რომ დონალდ ტრამპის ინაუგურაციაზე სიმღერაზე ვარსკვლავებმა უარი განაცხადეს.

ფიცის დადებისას იქნება მცირედი ცვლილებაც. ფიცის დადებისას ორ ბიბლიას გამოიყენებენ: აბრაამ ლინკოლნის პირადი ბიბლიას, რომელიც ინაუგურაციის ცერემონიის განუყოფელი ატრიბუტია და ტრამპის პირად ბიბლიას, რომელიც მას დედამისმა 1955 წელს აჩუქა.