დემნა გვასალიამ პარიზში Balenciaga-ს ახალი კოლექცია წარადგინა (ფოტოკოლაჟი)

შოუ ბიზნესი - 11:59, 19 Jan, 2017

5260

ქართველმა დიზაინერმა , დემნა გვასალიამ Balenciaga-ს კრეატიული ხელმძვანელის რანგში პარიზის კვირეულზე მამაკაცის შემოდგომა/ზამთარი 2017 კოლექცია წარადგინა.

დემნას კოლექციას მოდის ელიტის მხრიდან როგორც ყოველთვის, ამჯერადაც დიდი გამოხმაურება მოჰყვა. ქართველებისთვის კი მისი კოლექცია ხშირად ღიმილისმომგვრელია, რადგან მარტივად აღმოაჩენთ 90-იანი წლების დეტალებს.

აღსანიშნავია, რომ დემნას კოლექციაში "დემოკრატიული პარტიის" ფერები შეინიშნებოდა. როგორც FashionHolics Online წერ, დემნას კულისში დემოკრატიული პარტიის ზედა ეცვა. მანიკურიც იგივე ფერებში ჰქონდა.

დეტალი უყურადღებოდ არ დარჩენია მსოფლიო მოდის გავლენიან გამოცემებს.

"ხმა მიცით ბალესნიაგას! როგორც ჩანს დემნა გვასალიამ ოფიციალურად განაცხადა კამპანიის დაწყების შესახებ მსოფლიო მოდის ლიდერობისთვის“ - წერს ვოგი.

„თუკი იფიქრეთ, რომ პოლიტიკური მოდა არჩევნების შემდეგ დარსულდა, იფიქრეთ თავიდან. გვასალია 2020! - წერს W Magazine.

ბალენსიაგას მამაკაცის შემოდგომა/ზამთარი 2017 კოლექცია ასე გამოიყურება:

2016 წელი განსაკუთრებით წარმატებული იყო ძმები გვასალიებისთვის.

გავლენიანმა გამოცემა The Business of Fashion-მა დემნა გვასალია 2016 წლის ადამიანად დაასახელა .

დემნა გვასალია British Fashion Awards-ის გამარჯვებული გახდა და წლის საერთაშორისო დიზაინერის ტიტული მოიპოვა.

დემნასა და გურამის ბრენდი Vetements წარდგენილი იყო ნომინაციაში წლის ურბანული ბრენდი, რომლის გამარჯვებულიც გახდა.

BFA-მდე The Business of Fashion - მა 2016 წლის #BOF500 გამოაქვეყნა - ადამიანები, რომლებიც ქმნიან, ცვლიან მოდას, გავლენას ახდენენ ინდუსტრიაზე. რეიტინგში დემნა და გურამ გვასალიებიც მოხვდნენ.

დემნა და გურამ გვასალიებს მსოფლიო მოდის ინდუსტიაში კარგად იცნობენ. დემნას არაორდინალური კოლექციები მუდმივად განხილვის და აღფრთოვანების საგანია. მოდის კრიტიკოსები დემნას მოდის სფეროში გარდამტეხ დიაზინერს უწოდებენ. ახალი კოლექციების წარგდენის შემდეგ კი ვოგის გავლენიანი გამოცემების ფურცლებზეა.

დემნა გვასალია „ბალენსიაგას“ კრეატიული დირექტორი 2015 წლის ნოემბერში გახდა. პარალელურად, ის განაგრძობს ბრენდ Vetements-ის კოლექციის შექმნას. Vetements-ის სათავეში დემნასთან ერთად მისი ძმა გურამ გვასალია დგას. მათი სახასიათო ნიშანი დიდი ზომის სამოსი, ყვავილების პრინტებიანი კაბები და გადაკეთებული ჯინსებია. გვასალია რვა წლის განმავლობაში Margiela-ს კულისებში მუშაობდა. თანამშრომლობდა "ლუი ვიტონთანაც."