სკანდალური რუსი მხატვარი საფრანგეთს პოლიტიკური თავშესაფრის მოთხოვნით მიმართავს

მსოფლიო - 16:00, 16 Jan, 2017

3060

რუსი მხატვარი და ფოტოხელოვანი პიოტრ პავლენსკი, რომელიც ხმამაღალი პოლიტიკური განცხადებებით არის ცნობილი, აცხადებს, რომ რუსეთი დატოვა და საფრანგეთს პოლიტიკური თავშესაფრის მოთხოვნით მიმართავს. მისი თქმით, ქვეყნის დატოვების გადაწყვეტილება რუსეთის სპეცსამსახურების მხრიდან მოსალოდნელი პროვოკაციების გამო მიიღო.

როგორც მხატვარმა უკრაინულ მედიასთან ინტერვიუში განაცხადა, რუსეთის დატოვება ბელორუსის გავლით, ავტომობილით მოახერხა, მას შემდეგ რაც, ვარშავიდან დაბრუნების შემდეგ აეროპორტიდან რუსეთის საგამოძიებო კომიტეტში გადაიყვანეს, სადაც რამდნიმე საათი დაკითხვაზე იმყოფებოდა, შემდეგ კი გაუშვეს.

პავლენსკი ბელორუსიდან უკრაინაში ჩავიდა, საიდანაც საფრანგეთში გაფრინდა.

პავლენსკი ცნობილია თავისი რეზონანსული აქციებით პოლიტიკის თემაზე.

2013 წელს მან რუსული საზოგადოების პოლიტიკურ ინდეფერენტულობას აქცია მიუძღვნა გაშიშვლდა და წითელ მოედანზე გენიტალიები ქვაფენილზე დაიჭედა. . ამოიკერა პირი და შიშველ ტანზე მავთულხლართებით შემოიხვია.

2014 წლის თებერვალში მან მონაწილეობა მიიღო აქციაში „თავისუფლება“, რომელიც სანკტ-პეტერბურგში გაიმართა. აქციის მონაწილეებმა საბურავებისგან კედელი აღმართეს და ცეცხლი წაუკიდეს.

2015 წელს პავლენსკიმ რუსეთის ФСБ-ის კარებს ცეცხლი წაუკიდა, რის გამოც დააკავეს.