ტრამპი რუსეთის წინააღმდეგ სანქციების მოხსნის შესაძლებლობას ბირთვული შეიარაღებიის შემცირების სანაცვლოდ განიხილავს

მსოფლიო - 11:29, 16 Jan, 2017

3535

აშშ-ის არჩეული პრეზიდენტი რუსეთის წინააღმდეგ სანქციების მოხსნის შესაძლებლობას ოფიციალური მოსკოვის მიერ ბირთვული შეიარაღებიის შემცირების სანაცვლოდ

ამის შესახებ ტრამპმა ბრიტანული გამოცემა The Times -ისთის მიცემულ ინტერვიუში განაცხადა.

„რუსეთის წინააღმდეგ დაწესებული სანქციები - მოდით ვნახოთ, არის თუ არა შესაძლებელი რუსეთთან კარგი შეთანხმების მიღწევა. დასაწყისისთვის, ვფიქრობ, რომ ბირთვული შეიარაღება უნდა შემცირდეს და ეს ამ პროცესის მნიშვნელოვანი ნაწილი შეიძლება გახდეს. რუსეთი ძალიან ზარალდება სანქციებით და ვფიქრობ, შესაძლოა, ისეთი რამ მოხდეს, როთაც ბევრი ადამიანი სარგებელს მიიღებს“ - განაცხადა ტრამპმა.

ტრამპმა სირიაში რუსეთის პოლიტიკაც გააკრიტიკა და განაცხადა, რომ ოფიციალური მოსკოვის ქმედებების გამო ქვეყანა მძიმე ჰუმანტარულ ვითარებაში აღმოჩნდა.

ჟურნალისტის შეკითხვაზე, ვის უფრო ენდობა ის - ანგელა მერკელს თუ ვლადიმერ პუტინს, არჩეულმა პრეზიდენტმა უპასუხა, რომ ორივეს ენდობა, თუმცა არ იცის ეს ნდობა რამდენ ხანს გაგრძელდება.

ტრამპის კრიტიკა ანგელა მერკელმაც დაიმსახურა, იმ "კატასტროფული შეცდომისთვის, რომელიც მიგრანტების გერმანიაში შეშვებისას დაუშვა."