ამის შესახებ "ანტისაოკუპაციო მოძრაობის"ლიდერმა ტვ "აფხაზეთის ხმის" ეთერში, "პრესკლუბში მე-17 სართულზე" განაცხადა.
მისი თქმით, აშშ-ში ნამყოფია და იქ დასასვენებლად ან სასეირნოდ კი არა, იმისთვის აპირებს წასვლას, რომ იქაურ გავლენიან პოლიტიკოსებს შეხვდეს და საქართველოსთან ჩარჩო-ხელშეკრულების გაფორმების აუცილებლობაში დაარწმუნოს:

"ორმხრივი ჩარჩო-ხელშეკრულების გაფორმება აშშ-სთან, არა როგორც პარტნიორ, არამედ როგორც მოკავშირე ქვეყანასთან - ეს არის ერთადერთი გზა, რომელიც საქართველოს ააცილებს "ევრაზიულ კავშირში" შეთრევის საფრთხეს. მე მომდევს ვეფხვი და იძულებული ვარ, ან გავექცე, ან დავახრჩო. ან კიდევ, უკვე დამეწევა. სწორედ ამიტომაა საჭირო ამგვარი ხელშეკრულება. უკვე შეტანილი მაქვს განაცხადი, მაგრამ რატომღაც, საქართველოში აშშ-ის საელჩო პასუხის გაცემას აჭიანურებს. ამიტომ არ გამოვრიცხავ, რომ საელჩოს წინ სხვადასხვა აქცია გავმართო, მათ შორის, მივმართო შიმშილობას", - აღნიშნა ირაკლი წერეთელმა. მისივე თქმით, მეორე მოთხოვნა, რომელსაც აქციის დროს დააყენებს, სოჭის ზამთრის ოლიმპიადის ყოველმხრივი ბოიკოტის მოთხოვნა იქნება.