Gazprom-მა საქართველოსთან მიღწეულ შეთანხმებაზე განცხადება გაავრცელა, რომლის მიხედვითაც, 2017-2018 წლებში მაგისტრალური გაზსადენის მეშვეობით ყოვეწლიურად დაახლოებით 2-2.2 მილიარდი კუბური მეტრი ბუნებრივი აირის ტრანსპორტირება მოხდება.

"Gazprom Export და ქართული მხარე შეთანხმნდნენ რუსული გაზის სომხეთში ტრანზიტის პირობებზე. კერძოდ, მხარეები შეთანხმდნენ ტრანზიტის საფასურის გადახდის პირობების შეცვალზე და ნატურით გადახდა ფულადი გადახით ჩანაცვლდება.

მიღწეული შეთანხმების თანახმად, რუსეთის მხრიდან საქართველოს გავლით, 2017-2018 წლებში სომხეთში ბუნებრივი აირის მიწოდების მოცულობები 2-2.2 მილიარდი მეტრ კუბი იქნება" - ნათქვამია განცხადებაში.

ამასთანავე Gazprom-ი მზადყოფნას გამოთქვამს, საქართველოს მოქნილი პირობებით მიაწოდოს ბუნებრივი აირის მოცულობები ფასდაკლებული ტარიფით. 2017 წლისთვის საქართველო ყოველ 1000 კუბურ მეტრ ბუნებრივ აირზე 2016 წელთან შედარებით $30 დოლარით შემცირებულ ტარიფს მიიღებს.

„შეხვედრების სერიებისა და ხანგრძლივი მოლაპარაკებების შედეგად, ქართველ პარტნიორებთან ერთად მოვახერხეთ კომერციული პირობების არჩევა , რომლებიც ოპტიმალურია ორივე მხარისთვის " - აცხადებს Gazprom Export-ის გენერალური დირექტორი ელენა ბურმისტროვა.

განცხადების თანახმად, Gazprom-ი საქართველოს აირს 2016 წელთან შედარებით 30$-ით ფასდაკლებული ტარიფით მიაწვდოს. თუმცა აღსანიშნავია, რომ სებ-ის მიერ დადგენილი შარშან მოქმედი კურსის თანახმად 1 ამერიკული დოლარის ღირებულება 2.4155 ლარი იყო, დღეს მოქმედი კურსის მიხედვით კი 1 აშშ დოლარი 2.7395 ლარია.