აშშ-ის პრეზიდენტმა ბარაკ ობამამ ვიცე-პრეზიდენტი ჯო ბაიდენი ქვეყნის უმაღლესი სამოქალაქო ჯილდოთი, თავისუფლების საპრეზიდენტო მედლით დააჯილდოვა.

დაჯილდოების ცერემონიალი თეთრ სახლში მოხდა, რომელიც იმდენად მოულოდნელი აღმოჩნდა ჯო ბაიდენისთვის, ცრემლების შეკავება ვერ შეძლო.

ბარაკ ობამამ ბაიდენს აშშ-ის ისტორიაში საუკეთესო ვიცე-პრეზიდენტი უწოდა.

აშშ-ის პრეზიდენტმა იხუმრა კიდეც, რომ ინტერნეტს ბოლო შესაძლებლობას აძლევს, მათ მეგობრობაზე ისაუბროს.

აცრემლებულმა ჯო ბაიდენმა თავის მხრივ მადლობა გადაუხადა ობამას და მას შესანიშნავი თანამგზავრი უწოდა, რომელმაც შესანიშნავი საქმეები გააკეთა.

ბარაკ ობამა და ჯო ბაიდენი თეთრ სახლს 20 იანვარს, ტრამპის ინაუგურაციის შემდეგ დატოვებენ.