დიდი ბრიტანეთის დედოფალი და ბინძური ,,რუსული ტრიუკი"

მსოფლიო - 17:00, 11 Jan, 2017

3443

Daily Express-ის ცნობით, რუსულმა მედიამ აქტიურად დაიწყო ინფორმაციის გავრცელება იმის შესახებ, რომ ბრიტანეთის სამეფო სახლის ვებ-გვერდზე გამოქვეყნდა ინფორმაცია დედოფალ ელისაბედ II-ის გარდაცვალების შესახებ. ამის შესახებ წერდა რუსული "Известия"-ც, რომელმაც შემდეგი ხასიათის ინფორმაცია გაავრცელა: „მოგვიანებით სამეფო სახლის გვერდიდან ეს ინფორმაცია გაქრა, თუმცა ინტერნეტმომხმარებლებმა მოახერხეს სქრინშოთის შენახვა. ამასთან არანაირი საჯარო განმარტებები სამეფო სახლს არ გაუკეთებია“.

აღნიშნულის თაობაზე Daily Express-მა გამოარკვია, რომ საიტზე www.royal.uk არასდროს გამოქვეყნებულა მსფგავსი ხასიათის ინფორმაცია.

რაც შეეხება ე.წ. სქრინშოთებს, მასზე ჩანს საიტის ვებ-მისამართი, მონარქის ორი ფოტოსურათი და სათაური - „დედოფალ ელისაბედ მეორის სიკვდილი“.

არადა, გაზეთ "Известия"-ს ცნობით, მას მოსდევს გნცხადება - „პრინცმა ჩარლზმა ღრმა მწუხარებით გვთხოვა, რომ გაგვევრცელებინა შემდეგი განცხადება“, და ამას მოსდევს შემდეგ განცხადების ტექსტი.

Daily Express-მა ამის თაობაზე გამოძიება ჩაატარა.

Life.ru წერს, რომ იგი დაუკავშირდა ბუკინგემის სასახლეს და მისი წარმომადგენლებისგან შემდეგი პასუხი მიიღო - „ეს სრული სიცრუეა და მსგავსი ინფორმაცია არასდროს ყოფილა გამოქვეყნებული ჩვენს საიტზე, შეგიძლიათ რაიმე სახის ბმული გამოგვიგზავნოთ?:

ფეიკ ინფორმაციის გამოქვეყნებიდან რამდენიმე საათის შემდეგ, რუსულ მედიაში გავრცელდა ინფორმაცია, რომ ეს მასალა, რომელიც რუსეთის წამყვანმა მედიამ ასე სიხარულით აიტაცა, რუსეთის პატარა ინტერნეტ პორტალებზე დაყრდნობით იყო გამოქვეყნებული...

Daily Express-ი გაოგნებულია რუსული მედიის მიერ ატეხილი ფეიკ-ხმაურის გამო და მას „ბინძურ რუსულ ტრიუკებს“ უწოდებს.