აშშ-ის ახლადარჩეული პრეზიდენტი დონალდ ტრამპი, „ოქროს გლობუსზე“ მერილ სტრიპის სიტყვას თვითერზე გამოეხმაურა.

„მერილ სტრიპი ჰოლივუდში ერთ-ერთი ყველაზე გადაჭარბებულად დაფასებული მსახიობია. ის არ მიცნობს მე, თუმცა ოქროს გლობუსის დაჯილდოებაზე სიტყვით გამოსვლისას თავს დამესხა. ის ჰილარის ლაქიაა, რომელმაც ბევრი დაკარგა. მე არასოდეს დამიცინია შეზღუდული შესაძლებლობის მქონე ჟურნალისტითვის“ - წერს ტრამპი.

ტრამპის განცხადებას თვითერზე დიდი აჟიოტაჟi მოჰყვა. სოციალური ქსელის მომხარებლები , მერი სტრიპისთვის „გადაჭარბებულად შეფასებული მსახიობის“ წოდებისთვის, ტრამპისგან ბოდიშის მოხდას ითხოვენ.

შეგახსენებთ, გუშინ ბევერლი ჰილზში ოსკარების გენერალურ რეპეტიციად წოდებული, ოქროს გლობუსის დაჯილდოების 74-ე ცერემონიალი გაიმართა, რომელზეც სესილ დე მილის სახელობის პრიზი კინემატოგრაფიაში გაწეული ღვაწლისთვის, ოქროს გლობუსის რვაგზის გამარჯვებულ მერილ სტრიპს გადაეცა და მისი გამოსვლაც დაჯილდოების ერთ-ერთ მთავარ მოვლენად იქცა.

მერილ სტრიპმა სამადლობელი სიტყვის ნაცვლად, პოლიტიკურ კლიმატზე გაამახვილა ყურადღება და კონკრეტული სახელების დაუსახელებლად, დონალდ ტრამპი გააკრიტიკა.
მერი სტრიპმა გამოსვლაში იმ ადამიანებზე ისაუბრა, რომლებიც მსოფლიოს სხვადასხვა წერტილიდან არიან და რომლებიც ჰოლივუდს წარმოადგენენ.

მერილ სტრიპმა შემთხვევა გაიხსენა, როდესაც ტრამპმა შშმ პირს, ჟურნალისტ სერჟ კოვალესკის დასცინა.

"წელს ერთმა წარმოდგენამ თავზარი დამცა. ეს იყო მომენტი, როდესაც ადამიანმა, რომელმაც ქვეყანაში ყველაზე საპატივსაცემო სკამი უნდა დაიკავოს, შეზღუდული შესაძლებლობების მქონე ჟურნალისტს დასცინა. არ შემიძლია არ შემთხვევის დავიწყება, რადგან ის არ ყოფილა კინო, ეს რეალური ცხოვრებაა“ - განაცხადა მერილ სტრიპმა.