მისი თქმით, სერვისების განვითარების სააგენტო აქტიურად მუშაობს საარჩევნო სიის გაუმჯობესებაზე და ამ მიზნით მუდმივად ახორციელებს მონაცემთა ბაზის ანალიზს. ამის შედეგად, სააგენტოსთვის ცნობილი გახდა, რომ მონაცემთა ბაზაში 24 000-მდე ისეთი ადამიანია, რომელთაც სხვა ქვეყნის მოქალაქეობა მიიღეს. რაც, კონსტიტუციის თანახმად, საქართველოს მოქალაქეობის შეწყვეტის ერთ-ერთ საფუძველს წარმოადგენს. კერძოდ, საქართველოს მოქალაქე იმავდროულად არ შეიძლება იყოს სხვა სახელმწიფოს მოქალაქე, გარდა კონსტიტუციით დადგენილი გამონაკლისი შემთხვევისა. ეს ის შემთხვევაა, როცა უცხო ქვეყნის მოქალაქეს საქართველოს პრეზიდენტი ანიჭებს ორმაგ მოქალაქეობას.

ყველა იმ ადამიანს ვისაც საქართველოს მოქალაქეობა სურს, აუცილებლად უნდა მიმართოს სერვისების განვიტარების სააგენტოს ორმაგი მოქალაქეობის მინიჭების მოთხოვნით. სააგენტოს მიერ მოხდება უცხო ქვეყნის მოქალაქისათვის საქართველოს მოქალაქეობის მინიჭების მიზანშეწონილობის შეფასება, რის შემდეგაც დასკვნა გადაეგზავნება საქართველოს პრეზიდენტის ადმინისტრაციას, დადებითი გადაწყვეტილების მიღების შემთხვევაში გამოიცემა პრეზიდენტის ბრძანებულება, - აცხადებს სააგენტოს ხელმძღვანელობა.

,,იმ ადამიანს ვისაც საქართველოს მოქალაქეობა სურს, ჩვენ განუმართავთ, რომ მათ აუცილებლად უნდა წარადგინონ განცხადება საქართველოს პრეზიდენტის სახელზე. განცხადებას თან უნდა ერთვოდეს: უცხო ქვეყნის მოქალაქეობის დამადასტურებელი დოკუმენტი; ორი ფიზიკური პირის რეკომენდაცია; ორი ფოტოსურათი და დაბადების მოწმობის ასლი (თუ მოქალაქეობის მიღების მსურველი პირი დაბადებულია საზღვარგარეთ და აქვს აღნიშნული დოკუმენტი. საქართველოს მოქალაქეობის მინიჭების საკითხის განხილვისათვის მოქმედებს კანონით დადგენილია სამთვიანი ვადა.

პირებს, რომლებიც საზღვარგარეთ იმყოფებიან, შეუძლიათ შესაბამისი განაცხადი შეავსონ ონლაინ, ვებ გვერდზე წწწ.ჰოუსე.გოვ.გე ან დაუკავშირდნენ სერვისების განვითარების სააგენტოს საინფორმაციო სამსახურს ტელეფონის ნომერზე: +995 32 2 405 405."- განაცხადა ლევან სამადაშვილმა.

წყარო:,,რეი ლაით TV,,