გერმანიის საპორტო ქალაქ ბრემერჰაფენში ამერიკის შეერთებული შტატებიდან ასეულობით ტანკი, საარტილერიო დანადგარები და სხვა სახის სამხედრო ტექნიკა ჩავიდა.

ეს ამერიკული ჯავშანტექნიკის ყველაზე დიდი პარტიაა რომელიც აშშ-დან ევროპაში ჩავიდა 20-ე საუკუნის 80-იანი წლების შემდეგ.

სამხედრო ტექნიკას გერმანიიდან, NATO-ს აღმოსავლეთის საზღვრების დაცვის გაძლიერების პროგრამის ფარგლებში,პოლონეთსა და ბალტიისპირეთში გადაიყვანენ. ამ მიზნისთვის ბუნდესვერს 900სარკინიგზო ვაგონი დასჭირდება.

უახლოეს ხანებში, ამავე მიზნით, აღმოსავლეთ ევროპაში 3500 ამერიკელი სამხედრო მოსამსახურეც ჩამოვა, რომელთაც დიდი ბრიტანეთიდან, კანადიდან და გერმანიიდან კიდევ 4 ათასი ჯარისკაცი დაემატება.

აღმოსავლეთ საზღვრის გაძლიერებით NATO რუსეთის აგრესიული პოლიტიკის შეჩერებას ისახავს მიზნად.