ტრამპი ინაუგურაციამდე ბარაკ ობამას მიერ დანიშნული ელჩების გათავისუფლებას მოითხოვს

ტრამპი ინაუგურაციამდე ბარაკ ობამას მიერ დანიშნული ელჩების გათავისუფლებას მოითხოვს - NYT

მსოფლიო - 13:48, 06 Jan, 2017

5598

დონალდ ტრამპის გუნდი ახლადარჩეული პრეზიდენტის ინაუგურაციამდე, „პოლიტიკურად მოტივირებული ელჩების" თანამდებობის დატოვებას მოითხოვს. ამის შესახებ The New York Times ამერიკელ დიპლომატებზე დაყრდნობით წერს.

როგორც გამოცემა წერს, გარკვეული დროის განმავლობაში შესაძლოა, აშშ-ის მთავარი წარმომადგენლები არ ჰყავდეს ისეთ მნიშვნელოვან ქვეყნებში, როგორიცაა გერმანია და დიდი ბრიტანეთი.

როგორც გამოცემა Times-ი ტრამპის გუნდის წარმომადგენლებზე დაყრდნობით წერს, ეს არ არის „ბოროტი სურვილი“, არამედ აღნიშნული ქმედებები მხოლოდ იმისათვის ხორციელდება, რომ ბარაკ ობამას მიერ დანიშნულმა ყველა "პოლიტიკურმა" ელჩმა თანამდებობა მისი წასვლის შემდეგ დატოვოს.

თუ ასე მოხდა, ეს უპრეცედენტო შემთხვევა იქნება, რადგან ამ დრომდე დიპლომატები თანამდებობებს საკუთარი ინიციატივით ტოვებდნენ.

ტრამპმა უკვე დაასახელა ორ ქვეყანაში ახალი ელჩები. ცნობილი ადვოკატი დევიდ ფრიდმანი ისრაელში ამერიკის შეერთებული შტატების ელჩის თანამდებობაზე შეარჩია, ხოლო ტერი ბრანსტადი კი ჩინეთის ელჩად.