აშშ-ის ხელისუფლებამ ტერორისტული დაჯგუფება „ალ-ქაიდას“ ყოფილი ლიდერის ოსამა ბინ ლადენის ვაჟი ტერორისტების შავ სიაში შეიყვანა.

ეს იმას ნიშნავს, რომ აშშ-ის მოქალაქეებს მასთან კავშირი აკრძალული აქვთ, მისი ყველა ანგარიში კი გაყინულია.

სია, რომელიც აშშ-ის სახელმწიფო დეპარტამენტმა გამოაქვეყნა ნათქვამია, რომ ჰაზმა ბინ ლადენი „განსაკუთრებით საშიშ საერთაშორისო ტერორისტს“ წარმოადგენს. ის სავარაუდოდ 27 წლის არის.

სიაში ასევე მოხვდა არაბეთის ნახევარკუნძულზე „ალ-ქაიდას“ ერთ-ერთი ლიდერი იბრაჰიმ ალ-ბანნა.

აშშ-ის დაზვერვის თქმით, 2011 წელს მამის სიკვდილის შემდეგ, ჰამზა ბინ ლადენი „ალ-ქაიდას“ აქტიური პროპაგანდისტი გახდა.

ბინ ლადენის სახლის ჩხრეკისას წერილები იპოვეს, რომელშიც ჰამზა „ალ-ქაიდას“ ლიდერს სთხოვს ასწავლოს და მის მემკვიდრედ დაასახელოს.

აშშ-ის სპეცსაპსახურების ცნობით, უსამა ბინ ლადენი გეგმავდა „ალ-ქაიდას“ ლიდერობა შვილისთვის გადაებარებინა. თუმცა მისი სიკვდილის შემდეგ ბინ ლადენის დაჯგუფების ლიდერი ეგვიპტელი აიმან ზავაჰირი გახდა.

ჰამზა დროდადრო ვიდეომიმართვებს ავრცელებდა და აშშ-ს თავდასხმებით ემუქრებოდა.