მარინ ლე პენი უკრაინაში ჩასვლას არ აპირებს - საფრანგეთის პრეზიდენტობის კანდიდატის წარმომადგენლის განცხადება

მსოფლიო - 13:18, 05 Jan, 2017

2178

საფრანგეთის პრეზიდენტობის კანდიდატისა და „ეროვნული ფრონტის“ პარტიის ლიდერის მარინ ლე პენის ოფიციალური წარმომადგენლის განცხადებით, ლე პენი უკრაინაში ჩასვლას არ აპირებს.

როგორც სააგენტო „როიტერსი“ იტყობინება, ამის შესახებ პოლიტიკოსის წარმომადგენელმა მათ იმეილით აცნობა.

„მარინ ლე პენი არ აპირებდა უკრაინის ტერიტორიაზე შესვლას. აღნიშნული საკითხი დიპლომატიური გზით გადაიჭრება მას შემდეგ, რაც მარინ ლე პენი საფრანგეთის რესპუბლიკის პრეზიდენტი გახდება“ - განაცხადა ლე პენის პრესსპიკერმა.

შეგახსენებთ, უკრაინის ოფიციალური პირების აღშფოთება მარინ ლე პენის განცხადებამ გამოიწვია, რომლის თანახმადაც ის თვლის, რომ 2014 წელს რუსეთის მიერ უკრაინის ნახევარკუნძულის ყირიმის ანექსია არაკანონიერი არ ყოფილა.

ლე პენის თქმით, მას საკუთარი პოზიცია აქვს ყირიმთან დაკავშირებით, რომელიც აშშ-ისა და ევროკავშირის პოზიციას არ ემთხვევა.

„მე აბსოლუტურად ამ ჯერა არაკანონიერი ანექსიის: ჩატარდა რეფერენდუმი, ყირიმის მოსახლეობამ რუსეთთან შეერთება მოისურვა. ვერ ვხედავ მიზეზს, რომ რეფერენდუმის შედეგები ეჭვქვეშ დადგეს“ - განაცხდა ლე პენმა ფრანგულ ტელეკომპანია BFMTVისთვის მიცემულ ინტერვიუში.

კითხვაზე არის თუ არა ყირიმი რუსეთის ნაწილი, ლე პენმა უპასუხა - დიახ.

ყირიმთან დაკავშირებით გაკეთებული განცხადების გამო, მას შესაძლოა უკრაინაში შესვლა აეკრძალოს. ამის შესახე უკრაინის უკრაინის უშიშროების სამსახურის ხელმძღვანელის აპარატის უფროსმა ალექსანდრ ტკაჩუკმა განაცხადა.

მისივე თქმით, ვინაიდან ლე პენი საფრანგეთის მოქალაქეა, მის წინააღმდეგ ზომების მიღება მხოლოდ უშიშროების სამსახურზე არ არის დამოკიდებული და გადაწყვეტილებას უკრაინის საგარეო საქმეთა სამინისტროც იღებს.