ბენიამინ ნეთანიაჰუ 19 წლის ელორ აზარიას შეწყალებას მხარს უჭერს

მსოფლიო - 10:55, 05 Jan, 2017

2503

ისრაელის პრემიერ-მინისტრი ბენიამინ ნეთანიაჰუმ ქვეყნის პრეზიდენტს 19 წლის ჯარისკაცის, ელორა აზარიას შეწყალების ინიციატივით მიმართავს, რომელიც გუშინ დაჭრილი პალესტინელი თავდამსხმელის მკვლელობაში დამნაშავედ სცნეს.

„ეს არის რთული და მტკივნეული დღე - პირველ რიგში, ელორისთვის, მისი ოჯახისთვის, ისრაელის ჯარისკაცებისთვის, უამრავი მოქალაქისა და ჯარისკაცების მშობლებისთვის, ასევე შორის ჩემთვისაც... მე მხარს ვუჭერ ელორ აზარიას შეწყალების მოთხოვნას“ - წერს ნეთანიაჰუ ფეისბუკის გვერდზე.

გასული წლის მარტში 21 წლის აბდელ ფათაჰ ალ-შარიფი და მისი მეგობარი დანებით თავს დაესხნენ ებრაელ ჯარისკაცებს ჰებრონში. ჯარისკაცებმა ტერორისტის მეგობარი ადგილზე მოკლეს, ხოლო ფათაჰ ალ-შარიფი მძიმედ დაჭრეს. აზარიამ ცეცხლი გაუხსნა დაჭრილ ფათაჰ ალ-შარიფს, რადგან მისი თქმით, ეგონა, რომ ტერორისტს შაჰიდის ქამარი ეკეთა. აღნიშნული ინციდენტი ვიდეოზე დაფიქსირდა, რის გამოც ჯარისკაცის წინააღმდეგ სისხლის სამართლის საქმე აღიძრა.

როგორც აზარიას ადვოკატები აცხადებდნენ, ის ფიქრობდა, რომ პალესტინელს, რომელმაც მისი კოლეგა დაჭრა, შაჰიდის ქამარი ეკეთა, ამიტომაც მისი მიმართულებით გასროლა განახორციელა.

თუმცა, სასამართლოს განაჩენში ნათქვამია, რომ აზარია მოქმედებდა იმ მოსაზრებიდან გამომდინარე, რომ ფათაჰ ალ-შარიფი „უნდა მოკვდარიყო“, რითაც მან დაარღვია იარაღის გამოყენების წესები, რომელიც ისრაელის თავდაცვითი ძალების წესდებაშია გაწერილი.

აღსანიშნავია, რომ ისრაელის მე-2 არხის მიერ ჩატარებული გამოკითხვის თანახმად, რესპონდენტთა 67% მხარს უჭერს ჯარისკაცის შეწყალებას.