რა ბედი ეწია რაგნარ ლოდბროკს - "ვიკინგების" ემოციურმა სერიამ საიდუმლოს ფარდა ახადა

ეს საინტერესოა - 16:03, 30 Dec, 2016

16416

სტატია შესაძლოა სპოილერი აღმოჩნდეს მათთვის, ვისაც ჯერ არ გინახავთ ახალი სერია.
სერიალ ვიკინგების მეოთხე სეზონის მე-15 სერიას მაყურებელი დიდი ინტერესით ელოდა. სწორედ ამ სერიაში უნდა გარკვეულიყო დიადი რაგნარ ლოდბროკის ბედი.

მე-15 სერია ძალიან ემოციური აღმოჩნდა.

ოთხი სეზონის განმავლობაში მებრძოლი, უშიშარი მეფე რაგნარის სიცოცხლე დასრულდა.

მას შემდეგ რაც რაგნარი მის ერთ-ერთ ვაჟთან აივართან ერთად ვესექსში, მეფე ეკბერტზე შურის საძიებლად დაბრუნდა, ცნობილი გახდა, რომ შურისძიებას საკუთარი სიკვდილით გეგმავდა.

რაგნარმა მეფე ეკბერტი დაარწმუნა, რომ ის შურისძიებას მეფე ელიზე აპირებდა. გარიგება შემდეგში მდგომარეობდა: მეფე ეკბერტი რაგნარს მეფე ელის ჩააბარებდა, ის კი რაგნარის მიერ მისი სამფლობელოს დარბევისთვის მას აუცილებლად მოკლავდა. რაგნარმა პირობა ჩამოართვა ეკბერტს, რომ მის შვილს აივარს სახლში უსაფრთხოდ დააბრუნებდა, აივარი საკუთარ ძმებს ეტყოდა, რომ რაგნარის სიკვდილში დამნაშავე მხოლოდ მხოლოდ მეფე ელი იყო. მამის მკვლელობისთვის კი რაგნარის ვაჟები ელიზე შურს იძიებდნენ.

შეთანხმება შედგა, თუმცა რაგნარმა მის ვაჟს ფარულად განუცხადა, რომ მისი სიკვდილისთვის შური არა მხოლოდ ელაზე, არამედ მეფე ეკბერტზეც უნდა ეძიათ.

მეფე რაგნარი წამებით მოკლეს, გალიაში ჩასვეს, აწამეს, ბოლოს კი შხამიანი გველებით სავსე ორმოში ჩააგდეს. რაგნარი სიკვდილს უსიტყვოდ შეხვდა, ისე როგორც ვალჰალაში გასამგზავრებლად ემზადებიან ვიკინგები.

რაგნარის სიკვდილს მეფე ეკბერტი ათელსტანის ტანსაცმელში გამოწყობილი დაესწრო. რაგნარის ელისთან გაგზავნამდე კი აღიარა, რომ ეს ძალიან უმძიმდა.

აივარი კატეგატში უსაფრთხოდ დაბრუნდა და მამის სიკვდილის ცნობაც ჩაიტანა.

რაგნარის გარდაცვალების გამო მე-15 სერიამ მაყურებელთა ნაწილში იმედგაცრუება გამოიწვია. თუმცა, სერიალი გრძელდება და წინ მეფე რაგნარის მკვლელობის გამო მისი შვილების შურისძიება გველის.