დიდი ბრიტანეთის ყოფილი პრემიერ-მინისტრი დევიდ ქემერონი შესაძლოა ნატოს შემდეგი გენერალური მდივანი გახდეს.

ამის შესახებ გამოცემა „ინდეფენდენთი“ წერს. გამოცემის ცნობით, აღნიშნულ თანამდებობაზე ქემერონის წარდგენას დიდი ბრიტანეთის ამჟამინდელი პრემიერ-მინისტრი ტერეზა მეი გეგმავს.

ნატოს ამჟამინდელ გენერალურ მდივანს, ნორვეგიის ყოფილ პრემიერს იენს სტოლტენბერგს თანამდებობაზე ყოფნის ვარა 2018 წელს ეწურება.

აღსანიშნავია, რომ ცოტა ხნით ადრე დიდი ბრიტანეთის თავდაცვის მინისტრმა მაიკლ ფელონმა განაცხადა, დიდი ბრიტანეთი აპირებს რომ ნატო-ში უფრო აქტიური როლი შეასრულოს.

გამოცემის ცნობით, წყარო მინისტრთა კაბინეტიდან აცხადებს, რომ მას შემდეგ რაც ქემერონმა თანამდებობა დატოვა, კაბინეთი მისთვის მნიშვნელოვან თანამდებობას ეძებს.

„ჩვენ უნდა ვიპოვოთ მისთვის შესაფერისი როლი, რათა ის კვლავ დავაბრუნოთ დიდი ბრიტანესითვის“ - წერს „დეილი მეილი“ მინისტრთა კაბინეტის ერთ-ერთ წევრზე დაყრდნობით .

დევიდ ქემერონმა პრემიერ-მინისტრის თანამდებობის დატოვების შესახებ 2016 წლის 24 ივნისს ბრექსითის შედეგების შემდეგ განაცხადა, როდესაც ცნობილი გახდა, რომ მოსახლეობამ ევროკავშირიდან გასვლას დაუჭირა მხარი.

ქემერონი ბრიტანეთის პრემიერ-მინისტრის თანამდებობას 2010-2016 წლებში იკავებდა.