პოლონეთი რუსეთისგან ლეხ კაჩინსკის თვითმფრინავის უცნობი ჩანაწერების გადაცემას ითხოვს

მსოფლიო - 13:27, 29 Dec, 2016

3582

პოლონეთის თავდაცვის სამინისტრო რუსეთისგან პრეზიდენტ ლეხ კაჩინსკის თვითმფრინავის უცნობი ჩანაწერების გადაცემას ითხოვს. ამის შესახებ სამხედრო დეპარტამენტის მიერ გავრცელებულ განცხადებაშია ნათქვამი.
ვარშავისთვის ამ დრომდე უცნობია ბორტის ის ჩანაწერები, რომელზეც პრეზიდენტმა ვლადიმირ პუტინმა ბოლო პრესკონფერენციაზე ისაუბრა.
როგორც რუსეთის პრეზიდენტმა განაცხადა, მას წაკითხული აქვს გაშიფრული მასალა, სადაც ტუ 154-ის კაპიტანს პრეზიდენტის დაცვის წევრი თვითმფრინავის დაჯდომას სთხოვდა. პოლონეთი ეჭვობს, რომ მოსკოვმა მათ ან ყალბი სტენოგრამები გადასცა, ან პუტინს სურს მსოფლიო შეცდომაში შეიყვანოს.

შეგახსენებთ, პოლონეთის პრეზიდენტის ლეხ კაჩინსკის ლაინერი სმოლენსკთან 2010 წლის 10 აპრილს ჩამოვარდა. პოლონეთის ლიდერის გარდა, ავიაკატასტროფის შედეგად ბორტზე მყოფი პოლონეთის დელეგაციის 100 წევრი დაიღუპა.

თვითმფრინავის კატასტროფის რამდენიმე ვერსია არსებობს. ერთ-ერთ ვერსიად რუსი დისპეჩერების დაუდევრობა სახელდება. ვერსიის თანახმად, მათ, ცუდი ამინდის პირობებში ხილვადობის დონე სათანადოდ ვერ შეაფასეს. რამაც, ეკიპაჟის შეცდომაში შეიყვანეს. მეორე ვერსიით თანახმად, სავარაუდოდ, ლაინერზე აფეთქება მოხდა, რის გამოც თვითმფრინავი ნაწილებად ჰაერშივე დაიშალა.

მიუხედავად იმისა, რომ რუსეთისა და პოლონეთის ოფიციალური გამოძიების შედეგით, ავიაკატასტროფა პილოტების დაუდევრობამ გამოიწვია, გარდაცვლილთა ნათესავები აცხადებენ, რომ კატასტროფა შესაძლოა დაგეგმილი იყო.