ისტორიული ვიზიტი შედგა - იაპონიის პრემიერი ბარაკ ობამასთან ერთად პერლ-ჰარბორს ეწვია (ფოტოკოლაჟი)

მსოფლიო - 12:07, 28 Dec, 2016

3482

აშშ-ის პრეზიდენტმა ბარაკ ობამამ იაპონიის პრემიერ-მინისტრის სინძო აბეს პერლ-ჰარბორის სამხედრო ბაზაზე ვიზიტს, ისტორიული უწოდა. მისი თქმით, ეს ვიზიტი აჩვენებს შერიგების ძალას.

“ეს ისტორიული ჟესტი აჩვენებს შერიგების ძალას და გვახსენებს, რომ ომის მიერ დატოვებული ყველაზე ღრმა ჭრილობებიც კი შესაძლებელია, მეგობრობითა და ხანგრძლივი მშვიდობით განიკურნოს" - განაცხადა ბარაკ ობამამ.

იაპონიის პრემიერ-მინისტრი სინძო აბე ისტორიული ვიზიტით ჰავაის კუნძულებს გუშინ ესტუმრა.

სინძო აბე იაპონიის მთავრობის პირველი მეთაური გახდა, რომელიც მონაწილეობა მიიღებო სამგლოვიარო ღონისძიებაში, რომელიც 1941 წელს იაპონური ავიაციის მიერ დაბომბვის დროს დაღუპულების ხსოვნას მიეძღვნება.

ვიზიტის პირველ დღეს, სინძო აბემ ჰონოლულუში ამერიკელი სამხედროებისადმი მიძღვნილი მმორიალი ყავილებით შეამკო.

მეორე დღეს კი აბე ბარაკ ობამასთან ერთად პერლ-ჰარბორს ეწვია.

იაპონიის პრემიერმა პერლ-ჰარბორის ტრაგედიის შედეგად გარდაცვლილების მემორიალი გვირგვინით შეავსო და მადლობა გადაუხადა აშშ-ის მეორე მსოფლიო ომის შემდეგ ორ ქვეყანას შორის ურთიერთობების გაუმჯობესებისკენ მიმართული ძალისხმევისთვის.

1941 წლის 7 დეკემბერს პერლ ჰარბორზე მდებარე ამერიკულ სამხედრო ბაზაზე იაპონიის შეიარაღებული ძალების თავდასხმის დროს 2403 ადამიანი დაიღუპა , დაშავდა 1178 .

პერლ-ჰარბორის შემთხვევის შემდეგ აშშ-მა იაპონიას ომი გამოუცხადა და მეორე მსოფლიო ომში აშშ-ისჩართვის ფორმალური მიზეზი გახდა.

1945 წელს ამერიკულმა ავიაციამ იაპონიის ქალაქებში ჰიროშიმასა და ნაგასაკში ატომური ბომბები ჩამოაგდო, რის შემდეგაც იაპონიამ კაპიტულაცია გამოაცხადა.

აღსანიშნავია, რომ 2016 წლის მაისში ბარაკ ობამა ჰიროშიმაზე ჩავიდა. ის გახდა პირველი ამერიკელი ლიდერი, რომელიც ქალაქს ეწვია.