შავ ზღვაში მიმდინარე სამძებრო ოპერაციის შედეგად ჩამოვარდნილი ტუ-154-ის “შავი ყუთი” გაშიფრულია

მსოფლიო - 11:41, 27 Dec, 2016

4014

შავ ზღვაში მიმდინარე სამძებრო ოპერაციის შედეგად ჩამოვარდნილი ტუ-154-ის “შავი ყუთი” იპოვეს, რომელიც უკვე გაშიფრულია.

ექსპერტებმა გაშიფრეს შავი ყუთი, რომელშიც გაკრკევით ისმის პილოტის სიტყვები. რუსული მედიის ცნობით, პილოტი ფრთაუკანა ფარებს ახსენებს. შესაძლოა, სწორედ მისი გაუმართაობა გახდა ავარიის მიზეზი.
გრძელდება კიდევ ორი “შავი ყუთის” ძებნა.

სამაშველო ოპერაციის მეთაურები ავიაკატასტროფის მიზეზის მთავარ ვერსიად ძრავაში უცხო საგნების მოხვედრას ასახელებდნენ.

25 დეკემბერს , ტუ-154 მოსკოვის ჩკალოვსკის აეროდრომიდან სირიის ქალაქ ლატაკიაში მიფრინავდა. ლაინერი სოჭში საწვავის მარაგის შესავსებად დაეშვა. ბორტზე სამხედროები, ჟურნალისტები და ცეკვისა და სიმღერის ანსამბლის წევრები იმყოფებოდნენ, რომლებსაც ხმეიმიმის ბაზაზე რუსი სამხედროებისთვის საახალწლო კონცერტი უნდა გაემართათ. თვითმფრინავი აფრენიდან 7 წუთში ჩამოვარდა.
დადასტურებული ინფორმაციით, სამხედრო თვითმფრინავში მყოფი 92-ვე ადამიანის დაღუპვა.

Ту-154-ის კატასტროფის გამოძიების სამთავრობო კომისიის თავმჯდომარემ, რუსეთის ტრანსპორტის მინისტრმა მაქსიმ სოკოლოვმა განაცხადა, რომ ტერაქტის ვერსია არ განიხილება.