,,99%-ის ალბათობით ეს ტერაქტია. თვითმფრინავი შესაძლოა თურქეთში აფეთქებულიყო“

,,99%-ის ალბათობით ეს ტერაქტია. თვითმფრინავი შესაძლოა თურქეთში აფეთქებულიყო“ - ვლად ლიუბინი

მსოფლიო - 22:19, 26 Dec, 2016

32982

ექსპერტი ავიაციის საკუთხებში ლიუბინი დარწმუნებულია, რომ ტუ-154-მა კატასტროფა ტერაქტის შედეგად განიცადა. მისი აზრით, ასაფეთქებელი მექანიზმი შესაძლოა ჩამონტაჟებული იყო თვითმფრინავის ბორბლებში ჯერ კიდევ მოსკოვის აეროპორტში, საიდანაც ის საწვავის მარაგის შესავსებად სოჭში გაფრინდა.

,,99% დარწმუნებული ვარ, რომ ეს არის ტერაქტი, რომელიც განხორციელდა ბორტზე აფეთქების შედეგად. თვითმფრინავი აფეთქდა ჰაერში“ - ამბობს ლიუბინი.

ამის დასადასტურებლად ექსპერტს მედიაში ტექნიკური არგუმენტები მოჰყავს.

,,ბომბი შესაძლოა ყოფილიყო ნებისმიერ ადგილას, მაგრამ საინტერესო არის ის, რომ სანაპიროდან კილომეტრნახევრის მოშორებით იქნა აღმოჩენილი ბორბლების სამაგრი. ის პირველი მოძვრა თვითმფრინავს, არ არის გამორიცხული, რომ სწორედ მანდ იყო მუხტი“.

ექსპერტი ასევე აღნიშნავს, რომ თვითმფრინავის ნამსხვრევების მრავალკილომეტრიანი გაფანტვა შესაძლებელია მხოლოდ ჰაერში აფეთქების შედეგად.

ალტერნატიული ვერსიის განხილვისას, ლიუბინი აცხადებს, რომ შეუძლებელია 8 კილომეტრის რადიუსზე გაფანტულიყო ლაინერის ნამსხვრევები.

შეგახსენებთ, რომ ალტერნატიული ვერსია არის თვითმფრინავის ზღვაში ჩავარდნა.

,,ეს მოხდა სწრაფად ჰაერში და ნამსხვრევები შორს გაიფანტა. მსხვრევის ტიპის მიხედვით, აღნიშნული ავიაკატასტროფა არის წმინდა წყლის ტერაქტი“ - ასკვნის ექსპერტი. ის აგრეთვე გამოთქვამს მოსაზრებას, რომ რომ არა თვითმფრინავის დაჯდომა ადლერში, ყველა გათვლებით ეს აფეთქება მოხდებოდა თურქეთში.

,,თვითმფრინავს არ უნდა გაეკეთებინა შუალედური დაჯდომა ადლერში, მას ჰყოფნიდა საწვავი, თუმცა, რატომღაც თვითმფრინავი საწვავის დასამატებლად სოჭში დასვეს. რომ არა ეს შუალედური დაჯდომა ის აფეთქდებოდა თურქეთის ცაში“ - ვარაუდობს ექსპერტი.

უფრო ადრე, არაერთმა ექსპერტმა, რომლებიც მედიის მიერ იყვნენ გამოკითხული, აღნიშნეს, რომ თვითმფრინავი სავარაუდოდ, აფეთქდა ჰაერში დაგეგმილი აფეთქების შედეგად.

მიუხედავად იმისა, რომ ეფ-ეს-ბე და სხვა ოფიციალური სტრუქტურები ტერაქტის ნიშნებს ვერ ხედავენ, ექსპერტები უფრო და უფრო მეტად იხრებიან ტერაქტისაკენ.

გაზეთ ,,კომერსანტს“ მოჰყავს საჰაერო ძალების მაიორის მფრინავ კონსტრუქტორის ანდრეი კრასნოპეროვის მოსაზრება, რომ ინსტრუქტორს ეჭვიც არ ეპარება იმაში, რომ ლაინერი ჰაერში აფეთქდა. ის ასახელებს ორ არგუმენტს ტერაქტის სასარგებლოდ, პირველი - ნამსხვრევების გაფანტვა 15 კილომეტრის რადიუსში და მეორე - აფრენიდან, ძალიან სწრაფად, წამიერად ფრენის შეწყვეტა.