უკრაინის უსაფრთხოების სამსახურმა ნადეჟდა სავჩენკო დაკითხა

მსოფლიო - 13:25, 26 Dec, 2016

2461

უკრაინის უსაფრთხოების სამსახურმა უკრაინის რადას წევრი ნადეჟდა სავჩენკო დაკითხა. ამის შესახებ უსაფრთოხების სამსახურის ხელმძღვანელმა ვასილი გრიცაკმა განაცხადა. დაკითხვის მიზეზი თვითგამოცხადებული დონეცკისა და ლუგანსკის სახალხო რესპუბლიკების წარმომადგენლებთან სავჩენკოს შეხვედრა გახდა.

„არ ვთვლი ნორმალურად, როდესაც უკრაინის პარლამენტის წევრი, თავდაცვისა და უსაფრთხოების კომიტეტის წევრი მესამე ქვეყნის ტერიტორიაზე, როგორც მოგვიანებით მითხრეს, გამორთული მობილური ტელეფონებით, კონსპირაციის წესების დაცვით ხვდება დონეცკის და ლუგანსკის სახალხო რესპუბლიკების ტერორისტული ორგანიზაციების ხელმძღვანელებს"- განაცხადა გრიცაკმა.

შეგახსენებთ, მას შემდეგ რაც 7 დეკემბერს მინსკში ვიზიტით მყოფი ნადეჟდა სავჩენკო თვითგამოცხადებული დონეციკსა და ლუგანსკის სახალხო რესპუბლიკების ხელმძღვანელებს შეხვდა, გარიცხეს ფრაქცია „ბატკივშინას“ რიგებიდან, თუმცა მანდატი შეუნარჩუნდა. 22 დეკემბერს ის ევროპის საბჭოს საპარლამენტო ასამბლეაზე უკრაინის დელეგაციიდანაც გარიცხეს.

მოგვიანებით, სავჩენკომ ანაცხადა, რომ არა მტრები, არამედ ის ხალხი დაინახა, ვისთანაც მოლაპარაკებების წარმოებაა საჭირო.