რუსეთის თავდაცვის სამინისტრომ შავ ზღვაში ჩავრდნილი თვითმფრინავის მგზავრების სია გამოაქვეყნა.

სიის მიხედვით, ბორტზე იმყოფებოდნენ ეკიპაჟის 8 წევრი, 8 სამხედრო მოსამსახურე, 2 რუსეთის ფედერალური სამსახურის წარმომადგენელი, 9 ჟურნალისტი, ალექსანდროვის სახელობის სიმღერისა და ცეკვის ანსამბლის 64 არტისტი და ცნობილი რუსი ქველმოქმედი, ეკატერინე გლინკა. მუსიკოსები ალეპოში კონცერტის ჩასატარებლად მიდიოდნენ.

ვლადიმერ პუტინმა დაღუპულთა ოჯახებს ოფიციალური სამძიმარი გამოუცხადა.