ერდოღანი - თურქეთი არ დაუშვებს ჩრდილოეთ სირიაში ახალი სახელმწიფოს ჩამოყალიბებას

მსოფლიო - 17:02, 24 Dec, 2016

5661

თურქეთის პრეზიდენტმა რეჯეპ ტაიპ ერდოღანმა 24 დეკემბერს განაცხადა, რომ თურქეთი არ დაუშვებს ახალი სახელმწიფოს ჩამოყალიბებას ჩრდილოეთ სირიაში.
"ჩვენ არასდროს დავუშვებთ ამ სახის სახელმწიფოს დაარსებას," - განაცხადა ერდოღანმა თურქეთის საგარეო ეკონომიკური ურთიერთობების საბჭოს (DEIK) სხდომაზე სტამბულში.
ერდოღანმა დაადასტურა თურქეთის სურვილი, რომ ჩრდილოეთ სირია ტერორიზმისგან თავისუფალ, უსაფრთხო ზონად ჩამოყალიბდეს, რაც ქვეყნის სამხრეთ-აღმოსავლეთ საზღვრის დაცულობას უზრუნველყოფს.
ანალოგიური განცხადება გააკეთა პრემიერ-მინისტრმა ბინალი ილდირიმმა მეწარმე ქალთა ასოციაციის შეხვედრაზე, რომელზეც ჩრდილოეთ სირიაში მიმდინარე თურქეთის სახმელეთო ოპერაცია "ევფრატის ფარზე" ისაუბრა.
"ჩვენი მიზანია ჩვენი მოქალაქეების, რომლებიც ჩვენი ქვეყნის სანხრეთით ცხოვრობენ, სიცოცხლის უსაფრთხოებისა და ქონების დაცვა,," განაცხადა მან და დასძინა, რომ თურქეთს უკვე დიდი ხანია სურს გაანეიტრალოს საფრთხე, რომელიც ჩრდილოეთ სირიის ტერიტორიიდან მომდინარეობს.

თურქეთის არმია აგვისტოს შემდეგ "ისლამური სახელმწიფოს" წინააღმდეგ სახმელეთო ოპერაციებს ახორციელებს, თუმცა, ნოემბრის ბოლოს ერდოღანის მიერ გაკეთებული განცხადების თანახმად, ოპერაცია "ევფრატის ფარის" მიზანი ბაშარ ალ ასადის ჩამოგდებაა.

თურქეთის არმია მხარს უჭერს სირიის თავისუფალი არმიის (FSA) მებრძოლების ძალისხმევას ელ-ბაბის ISIS-ის ტერორისტებისაგან განთავისუფლებაში. ეს არის სტრატეგიული ქალაქი ჩრდილო სირიაში.