მისი თქმით, კონფერენციის თარიღად 9 ივნისი მოსამართლეთა კონფერენციის ადმინისტრაციულმა კომიტეტმა განსაზღვრა. ამასთან, ადმინისტრაციულმა კომიტეტმა დაამტკიცა მთელი რიგი დოკუმენტები, რომელთა გამოყენებაც მოსამართლეთა კონფერენციაზე მოხდება - არის საარჩევნო და არჩევნების შემაჯამებელი ბიულეტენების ფორმა; აგრეთვე, განისაზღვრა ტექნიკური საკითხები, რაც საჭიროა ფარული არჩევნებისთვის. უზენაესი სასამართლოს ვებგვერდზე უკვე გამოქვეყნდა მოსამართლეთა კონფერენციის რეგლამენტში ცვლილებების პროექტი, რომელზეც იუსტიციის უმაღლესი საბჭო იმსჯელებს და ცვლილებებს მოსამართლეთა კონფერენციას წარუდგენს. კოტე კუბლაშვილის განმარტებით, ნებისმიერ დაინტერსებულ პირს, ვისაც სურს, მონაწილეობა მიიღოს ადმინისტრაციული კომიტეტის მუშაობაში, გამოთქვას შენიშვნები და დააფიქსიროს მოსაზრებები რეგლამენტში ცვლილებებთან დაკავშირებით, შეუძლია, საკუთარი პოზიცია ადმინისტრაციული კომიტეტის სამდივნოს წარუდგინოს, ასევე მათ შესაძლებლობა ექნებათ, ადმინისტრაციული კომიტეტის სხდომას დაესწრონ.