მუშები ხელფასების 50 პროცენტით გაზრდას და სამუშაო პირობების გაუმჯობესებას მოითხოვს.

"არ დავიშლებით მანამ, ვიდრე ჩვენს მოთხოვნებს ადმინისტრაცია არ დააკმაყოფილებს. დირექცია ხელფასების გაზრდას შვიდი თვის წინ შეგვპირდა, მაგრამ მათ ამ დრომდე ხელფასები არ მოუმატებიათ" _ განაცხადა ერთ-ერთმა მუშამ. "ჯორჯიან მანგანეზის" საზოგადოებასთან ურთიერთობის სამსახურის უფროსის მაკა კვარაცხელია განცხდებით, ამ ეტაპზე მუშებისთვის ხელფასის მომატება საწარმოსთვის შეუძლებელია. "ხელფასების 50 პროცენტით გაზრდა ამ ეტაპზე ქარხნის ადმინისტრაციას არ შეუძლია. მუშებს ვაფრთხილებთ, რომ საგაფიცვო დღეებს, მათ გაცდენილ დღეებად ჩაეთვლებათ და ხელფასები ჩამოეჭრებათ", - განაცხადა მაკა კვარაცხელიამ.

შეგახსენებთ, ზესტაფონში "ჯორჯიან მანგანეზის" მწარმოებელი ქარხნის მუშები მესამე დღეა გაფიცულები არიან. გაფიცული მუშების ნაწილმა გუშინ შიმშილობაც დაიწყო.