ამერიკის შეერთებული შტატების გამოძიების ფედერალური ბიურო საშობაო დღეებში გაზრდილი ტერორისტული საფრთხის შესახებ საუბრობს. უწყებაში აცხადებენ, რომ ე.წ. ისლამური სახელმწიფო შეერთებული შტატების ტერიტორიაზე ტერაქტების მოწყობას შეეცდება.

გამოძიების ფედერალურ ბიუროში აცხადებენ, რომ ტერორისტების სამიზნე ეკლესიები, მეტროსადგურები და სხვა სტრატეგიული მნიშვნელობის შენობებია.

აშშ-ს სახელმწიფო დეპარტამენტი ტერორისტული საფრთხის გამო, მოქალაქეებს იორდანიასა და ეგვიპტეში მოგზაურობისგან თავის შეკავებას ურჩევს.