კანადელმა გოგონამ ზენა გოპალმა და მისმა მეგობრებმა ნიძლავი დადეს, ვინ მოახერხებდა ცნობილ ადამიანთან ფოტოს გადაღებას, ასეთ ადამიანად კი ტომ ჰენკსი შეირჩა. შედეგით, როგორც თავად ზენა, ასე მისი მეგობრებიც გაოცებულები დარჩნენ.

ზენა გოპალმა ცნობილ მსახიობ ტომ ჰენკს საკუთარი ფოტო გაუგზავნა და სთხოვა, რომ სელფი მის ფოტოსთან ერთად გადაეღო. მისდა გასაკვირად ჰენკსი მის თხოვნას 3 კვირაში გამოეხმაურა და გოგონას ფოსტით კონვერტი გამოუგზავნა, რომელშიც სწორედ ზენას ფოტოსთან ერთად გადაღებული სელფი იდო. ფოტოსურათს თან წერილიც ახლდა სადაც ტომ ჰენქსი ბოდიშს იხდიდა იმისთვის, რომ ფოტოზე წვერითაა, მისი თქმით ეს იმიჯი მას ახალი ფილმისთვის სჭირდებოდა. ამასთანავე ჰენკსმა ზენას მშობლიური ქალაქი ტორონტოც შეაქო და მას უმაგრესი ქალაქი უწოდა.

გოგონამ, რომელიც ალბათ არც კი იმედოვნებდა ვარსკვლავისგან პასუხის მიღებას, აღიარა, რომ ჰენკსის წერილმა „გადარია“:

„ძალიან ბევრი ვიცინე, ეს განსაკუთრებული დღე იყო. ძალიან მაგარია, რომ ის თავის თაყვანისმცემლების წერილებს კითხულობს“- განაცხადა ზენამ.