ლეონარდო დიკაპრიო და მარტის სკორსეზე ისევ ერთიანდებიან

ეს საინტერესოა - 14:22, 23 Dec, 2016

1733

ოსკაროსანი რეჟისორი მარტინ სკორსეზე და ოსკაროსანი მსახიობი ლეონარდო დიკაპრიო ისევ ერთიანდებიან.

სკორსეზე დიკაპრიოს ახალ ფილმში გადაიღებს, რომელიც რეალურ სერიულ მკვლელზე იქნება.

„ეშმაკი თეთრ ქალაქში“ (The Devil in the White City) - ასე ერქმევა ფილმს, რომელიც ერიკ ლარსონის წიგნის ეკრანიზაცია იქნება.

როგორც ცნობილია, ლეონარდო დიკაპრიო ამ წიგნის მხატვრულ ფილმად ქცევის იდეით ჯერ კიდევ 2010 წელს დაინტერესდა და იდეის სისრულეში მოყვანის საშუალება, მხოლოდ ახლა მიეცა.

ისტორია 1893 წელს ვითარდება და ორი მამაკაცის, დენიელ ბარნჰემისა და დოქტორ ეიჩ ჰოლმსის ამბავს გვიყვება. სავარაუდოდ, ლეო ჰოლმსის როლს შეასრულებს,

ჰოლმსმა ჩიკაგოში სამსართულიანი სახლი ააშენა, რომლის კორიდორები, ოთახები, კიბეები, კარები და ფანჯრები საიდუმლო მექანიზმებით იმართებოდა. ჰოლმსი ოთახებს ტურისტებზე აქირავებდა, რომლებიც უგზო-უკვლოდ იკარგებოდნენ. მანიაკი ადამიანებს ჯერ გაზით გუდავდა, შემდეგ კი მათ გვამზე ლაბორატორიაში მუშაობდა. სერიული მკვლელი 1896 წელს, ფილადელფიაში სიკვდილით დასაჯეს.

აღნიშნული ფილმი სკორსეზესა და დიკაპრიოსთვის მეექვსე ერთობლივი ფილმი გახდება - Gangs of New York, The Aviator, The Departed, Shutter Island and The Wolf of Wall Street-ის შემდეგ.