გასულ კვირას, დამასკოს პოლიციასთან თვითმკვლელმა ტერორისტმა თავი აიფეთქა. ფაქტი კიდევ უფრო შემზარავი იმ დეტალმა გახადა, რომ თავი მცირეწლოვანმა 7 წლის გოგონამ აიფეთქა.

ინტერნეტში ვიდეო გავრცელდა, რომელზეც გოგონები თვითმკვლელობამდე არიან ასახულნი. კადრებზე ჩანს, როგორ ასწავლის მათ მამაკაცი ბომბის ტარებას, როგორ ემშვიდობება დედა და თავის ასაფეთქებლად აცილებს.

ვიდეოს მამაკაცი იღებს, (სავარაუდოდ ბავშვების მამა) რომელიც დედას ეკითხება, თუ რატომ აგზავნის ასეთ ახალგაზრდებს ამ საქმისთვის. რაზეც ქალი პასუხობს:

„არავინ არის ახალგაზრდა მაშინ, როდესაც საქმე ჯიჰადს ეხება, რადგან მასში ყველა მუსლიმმა უნდა მიიღოს მონაწილეობა.“

მეორე ვიდეოში მამაკაცი ერთ-ერთ გოგონას ეკითხება, იცის თუ არა „დღეს რა უნდა ქნას,“ რაზეც გოგონა პასუხობს, რომ ის დამსკოში თვითმკვლელობას გეგმავს.

„ამის არ უნდა შეგეშინდეთ, რადგან სამოთხეში მოხვდებით“ - ამბობს მამაკაცი.

„დიახ“ - პასუხობს ერთ-ერთი გოგონა.

აფეთქება დამასკოში განხორციელდა. შემთხვევის შედეგად 3 სამართალდამცავი დაშავდა. პოლიციამ დაადასტურა, რომ აფეთქება 7 წლის გოგონამ განახორციელა.

უცნობია, რომელი დაჯგუფების იდეოლოგიას ემსხვერპლა 7 წლის გოგონა.