ნეპალის პოლიცია 15 წლის გოგონას გარდაცვალების საქმეს იძიებს, რომელიც მენსტრუაციის გამო დროებით სახლიდან გაასახლეს და მიწურში შეასახლეს.

მიწურს ცუდი ვენტილაცია აღმოაჩნდა. პოლიციის ვერსიით, როშანი ტირუვა გასათბობად ცეცხლის დანთებას შეეცადა, რის გამოც გაიგუდა.

გოგონას ცხედარი მამამ აღმოაჩინა.

ინციდენტი აჩხამის რაიონის ერთ-ერთ სოფელში, კატმანდუდან 440 კმ-ის დაშორებით მოხდა.

ძველი ინდუსური ტრადიციის თანახმად, ქალები მენსტრუაციის ან მშობიარობის შემდგომ პერიოდში „უწმინდურებად“ ითვლებიან.

ნეპალის ხელისუფლებამ აღნიშნული პრაქტიკა 2005 წელს აკრძალა, თუმცა ზოგიერთ რაიონებში მაინც გრძელდებამ რადგან მოსახლეობა დარწმუნებულია, რომ თუკი მენსტრუაციის დროს ქალს თავიდან არ მოიცილებენ, მათ სოფელს უბედურება დაატყდება თავს, მაგალითაც ბუნებრივი კატასტროფები.

იზოლაციაში მყოფ ქალებს საკვებს არ აძლევენ და რძის მიღებას უკრძალავენ. ზოგიერთ შემთხვევაში, გოგონებსა და ქალებს საქონელთან ერთად ძილი უწევთ, ზოგჯერ კი სოფლიდანაც აძევებენ.

ხშირად, ზამთარში, მენსტრუაციის გამო განდევნილი ქალები იყინებიან, ზაფხულში კი სიცხისგან იტანჯებიან.

ითვლება, რომ ამგვარი პრაქტიკა ქალებში ფსიქიკური დაავადებებს იწვევს.